திமுக அரசின் ஓராண்டு சாதனையைக் கொண்டாடும் வகையில் திருநெல்வேலி நகரத்தில் மகளிரணி சாா்பில் பொதுமக்களுக்கு இனிப்பு வழங்கப்பட்டது.

திருநெல்வேலி மத்திய மாவட்ட திமுக மகளிரணி சாா்பில் திருநெல்வேலி நகரத்தில் நடைபெற்ற நிகழ்ச்சிக்கு மாநகர மகளிரணி அமைப்பாளரும், திருநெல்வேலி மண்டலத் தலைவருமான செ.மகேஸ்வரி தலைமை வகித்து பொதுமக்களுக்கு இனிப்பு வழங்கினாா். மாமன்ற உறுப்பினா் கிட்டு, மகளிரணி நிா்வாகி சௌந்தரம், தகவல் தொழில்நுட்ப அணி நிா்வாகி காசிமணி உள்பட பலா் கலந்துகொண்டனா்.

இதேபோல தச்சநல்லூா் பகுதி திமுக சாா்பில் அங்குள்ள அண்ணா சிலைக்கு மாலை அணிவித்து மரியாதை செலுத்தப்பட்டது. பின்னா் பொதுமக்களுக்கு இனிப்பு வழங்கப்பட்டது. நிகழ்ச்சியில் பகுதிச்செயலரும், மாமன்ற உறுப்பினருமான சங்கா், நிா்வாகிகள் சடாமுனி, சீனிவாசன், மாரிசாமி உள்பட பலா் கலந்துகொண்டனா்.