மின்கட்டண சுமையை மறைக்க திமுக முயற்சி: நயினாா் நாகேந்திரன் எம்எல்ஏ குற்றச்சாட்டு

தமிழகத்தில் மக்கள் மீது ஏற்றியுள்ள மின்கட்டண சுமையை மறைப்பதற்காகவே, ஹிந்தி திணிப்பு என்ற பொய்த்தகவலை திமுக பரப்பி வருகிறது என்றாா் பாஜக சட்டப்பேரவைக் குழு தலைவரான நயினாா் நாகேந்திரன் எம்எல்ஏ.

திருநெல்வேலியில் செய்தியாளா்களிடம் அவா் வியாழக்கிழமை கூறியது: தமிழகம், கா்நாடகம், கேரளம் உள்ளிட்ட தாய்மொழியை மட்டுமே பேசும் மாநிலங்களில் தாய்மொழி கட்டாயம் எனவும், ஹிந்தியை விரும்புவோா் கற்கலாம் என்றுதான் மத்திய அரசு அறிவுறுத்தியுள்ளது. ஆனால், தாய்மொழி கட்டாயம் பயில வேண்டும் என்பதை திமுக அரசு மறைத்துவிட்டு சட்டப்பேரவையில் ஹிந்தி திணிப்புக்கு எதிராக தீா்மானம் நிறைவேற்றி மக்களை ஏமாற்றியுள்ளனா்.

மின்கட்டண சுமை உள்ளிட்ட பல்வேறு காரணங்களால் தமிழக மக்கள் சிரமம் அடைந்து வருகிறாா்கள். மக்களை திசைத்திருப்பவும், தங்களது தவறுகளை மறைக்கவும் ஹிந்தி திணிப்பு எனக் கூறி திமுகவினா் ஆா்ப்பாட்டம் நடத்தியுள்ளனா். ஆனால், உண்மையிலேயே தமிழின் பெருமையை காக்கும் கட்சியாக பாஜக உள்ளது. பிரதமா் நரேந்திர மோடி ஐ.நா. சபையில் உரையாற்றுகையில் தமிழின் சிறந்த நூலான திருக்குறளையும், திருவள்ளுவரையும் குறிப்பிட்டு பேசி மேன்மைப்படுத்தியுள்ளாா். ஊழலற்ற அரசை நடத்தி சா்வதேச அளவில் நம் நாட்டின் மரியாதையை உயா்த்தியுள்ளாா். அடுத்து எந்தத் தோ்தல் வந்தாலும் மத்தியில் பாஜகவும், மாநிலத்தில் பாஜக கூட்டணியுமே வென்று ஆட்சியைப் பிடிக்கும்.

கோவை வெடிவிபத்து சம்பவத்தில் தேசிய புலனாய்வுத்துறை எவ்வித பாரபட்சமும் இன்றி விசாரணையை நடத்தும் என்பதால், அதற்கு பரிந்துரைத்திருப்பது சரியானது என்றாா் அவா்.