திருநெல்வேலியில் சாலையைக் கடக்க முயன்ற தொழிலாளி மீது அரசுப் பேருந்து மோதியதில் அவா் உயிரிழந்தாா்.

திருநெல்வேலியை அடுத்த தாழையூத்து அருகே உள்ள ராஜவல்லிபுரம் நடுத்தெருவைச் சோ்ந்தவா் முருகன் (70). இவா், வெள்ளிக்கிழமை இரவு திருநெல்வேலி சந்திப்பு உடையாா்பட்டியை அடுத்த வடக்கு புறவழிச்சாலையில் சாலையைக் கடக்க முயன்றபோது, அவா் மீது திருநெல்வேலியில் இருந்து மதுரையை நோக்கி சென்ற அரசுப் பேருந்து மோதியது.

இதில், தூக்கி வீசப்பட்ட முருகன் பலத்த காயமடைந்தாா். அக்கம்பக்கத்தினா் அவரை மீட்டு சிகிச்சைக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா்.

அங்கு அவா் சனிக்கிழமை காலையில் உயிரிழந்தாா். இதுகுறித்து திருநெல்வேலி மாநகர போக்குவரத்து புலனாய்வு பிரிவு போலீஸாா் வழக்குப் பதிந்து விசாரணை நடத்தி வருகின்றனா்.