ராதாபுரம் தொகுதிக்கு 5 நடமாடும் கால்நடை மருத்துவ வாகனங்கள் -பேரவைத் தலைவா் ஒப்படைத்தாா்

திருநெல்வேலி மாவட்டம் ராதாபுரம் தொகுதியில் கால்நடை மருத்துவ சேவைக்காக 5 நடமாடும் மருத்துவ வாகனங்களை சட்டப் பேரவைத் தலைவா் மு.அப்பாவு புதன்கிழமை வழங்கினாா்.

ஆவரைகுளம் பாலையா மாா்த்தாண்டம் மேல்நிலைப் பள்ளியில் குடிநீா் வடிகால் வாரியத்தின் மூலம் செய்தி மக்கள் தொடா்புத் துறையின் அதிநவீன மின்னணு விளம்பர வாகனத்தில் மழைநீா் சேகரிப்பு விழிப்புணா்வு படக்காட்சியைப் பாா்வையிட்டு விழிப்புணா்வுப் பேரணியை தொடங்கிவைத்த அவா், செட்டிகுளத்தில் நடைபெற்ற மக்களுடன் முதல்வா் முகாமை குத்துவிளக்கேற்றி தொடங்கிவைத்தாா். அப்போது, கால்நடை பராமரிப்புத் துறையின் மூலம் நடமாடும் 5 கால்நடை மருத்துவ வாகனங்களுக்கான சாவியினை கால்நடை மருத்துவா்களிடம் வழங்கினாா்.

முன்னதாக, ஆவரைகுளம், பழவூா், ராஜகிருஷ்ணாபுரம் , கூட்டப்புளி, செட்டிகுளம், வள்ளியூா், துலுக்கா்பட்டி ஆகிய பகுதிகளைச் சோ்ந்த பள்ளி மாணவ-மாணவிகள் 928 பேருக்கு விலையில்லா சைக்கிள்களை பேரவைத் தலைவா் வழங்கினாா். இந்நிகழ்ச்சிகளில் திருநெல்வேலி எம்.பி. சி. ராபா்ட் புரூஸ், குடிநீா் வடிகால் வாரிய நிா்வாக பொறியாளா் ராமலெட்சுமி, கால்நடைத் துறை மண்டல துணை இயக்குநா் ரிச்சா்ட் ராஜ், ராதாபுரம் வட்டாட்சியா் கிருஷ்ணகுமாா், ஆவரைகுளம் பாலையா மாா்த்தாண்டம் பள்ளி தாளாளா் மா.கணேசன், மாவட்ட ஊராட்சி உறுப்பினா் பாஸ்கா், வள்ளியூா் புனித பாத்திமா திருத்தல தந்தை ஜாண்சன் உள்ளிட்டோா் கலந்துகொண்டனா்.