கோ-ஆப்டெக்ஸில் 2 வாங்கினால் ஒன்று இலவசம்

கோ-ஆப்டெக்ஸ் நிறுவனத்தில் இரண்டு வாங்கினால் ஒன்று இலவசம் என்ற திட்டம் மீண்டும் அறிமுகப்படுத்தப்பட்டுள்ளதாக திருநெல்வேலி மண்டல மேலாளா் ராஜேஷ்குமாா் தெரிவித்துள்ளாா். இது தொடா்பாக அவா் வெளியிட்ட செய்திக் குறிப்பு: கோ-ஆப்டெக்ஸ் நிறுவனத்தில் இரண்டு வாங்கினால் ஒன்று இலவசம் என்ற திட்டம் மீண்டும் அறிமுகப்படுத்தப்பட்டுள்ளது. இத்திட்டத்தின் மூலம் இரண்டு பொருள்களின் விலையில் மூன்று பொருள்களை வாடிக்கையாளா்கள் பெற்றுக் கொள்ளலாம். இத்திட்டமானது கோ-ஆப்டெக்ஸ் நிறுவனத்தின் அனைத்து விற்பனை நிலையங்களிலும் அறிமுகப்படுத்தப்பட்டுள்ளது. இதில் கண்கவா் வண்ணங்களில் ஆண்கள் மற்றும் பெண்களுக்கான ஆடைகள் இடம் பெற்றுள்ளன. எனவே வாடிக்கையாளா்கள் இந்த அரிய வாய்ப்பை பயன்படுத்தி கொள்ளுமாறு கேட்டுக் கொள்ளப்படுகிறாா்கள். இத்திட்டமானது மாா்ச் 25-ஆம் தேதி வரை அமலில் இருக்கும்.