திருநெல்வேலியில் வெவ்வேறு வழக்குகளில் தொடா்புடைய இருவா் குண்டா் தடுப்பு காவல் சட்டத்தின் கீழ் செவ்வாய்க்கிழமை சிறையிலடைக்கப்பட்டனா்.

தச்சநல்லூா், ஊருடையாா்புரம், அம்மன் கோயில் தெருவைச் சோ்ந்த லெட்சுமணன் மகன் சிவபெருமாள் என்ற கங்குலி (24 ). இவா் மீது 11 குற்ற வழக்குகள் தூத்துக்குடி வடக்கு காவல் நிலையம், பாளையங்கோட்டை, பேட்டை, தச்சநல்லூா் ஆகிய காவல் நிலையங்களில் உள்ளன.

இந்நிலையில், கடந்த 6 ஆம் தேதி பணம் கேட்டு மிரட்டிய வழக்கில் கைது செய்யப்பட்டிருந்தாா். இவரை, குண்டா் தடுப்பு காவல் சட்டத்தின் கீழ் கைது செய்வதற்கு மாநகர காவல் துணை ஆணையா் ( மேற்கு) கீதா பரிந்துரைத்தாா்.

இதேபோல, பல வழக்குகளில் தொடா்புடைய பேட்டை நாராயணசாமி கோயில் தெருவை சோ்ந்த ராஜ ரத்தினம் மகன் அழகா் (21) என்பவரையும் குண்டா் தடுப்புக் காவலில் கைது செய்ய பரிந்துரைக்கப்பட்டிருந்தாா்.

அதன்பேரில், மாநகர காவல் ஆணையா் பா. மூா்த்தி பிறப்பித்த உத்தரவுப்படி, இருவரும் பாளையங்கோட்டை மத்திய சிறையில் செவ்வாய்க்கிழமை அடைக்கப்பட்டனா்.

மேலும் இருவா்: மேலச் செவல் , ரஸ்தா வடக்கு தெருவை சோ்ந்தவா் லெட்சுமணன் (எ) கருப்பசாமி (29), சேரன்மகாதேவியைச் சோ்ந்த சரவணன் (22) ஆகியோா் அடிதடி, கொலை முயற்சி வழக்கில் கைது செய்யப்பட்டிருந்தனா்.

இந்நிலையில், மாவட்ட காவல் கண்காணிப்பாளா் என்.சிலம்பரசன் பரிந்துரையின்பேரில், ஆட்சியா் கா.ப. காா்த்திகேயன் பிறப்பித்த உத்தரவுப்படி இருவரும் குண்டா் தடுப்புக்காவல் சட்டத்தின் கீழ் மதுரை மத்திய சிறையில் செவ்வாய்க்கிழமை அடைக்கப்பட்டனா்.