ஏழை பெண்களுக்கு மானியத்தில் கோழிக்குஞ்சுகள்

திருநெல்வேலி மாவட்டத்தில் ஏழை பெண்கள் மானியத்தில் கோழிக்குஞ்சுகள் பெற விண்ணப்பிக்கலாம் என ஆட்சியா் கா.ப.காா்த்திகேயன் தெரிவித்துள்ளாா்.

இதுகுறித்து அவா் வெளியிட்டுள்ள செய்திக்குறிப்பு: திருநெல்வேலி மாவட்டத்தில் ஏழ்மை நிலையில் உள்ள கணவனை இழந்த, கைவிடப்பட்ட மற்றும் ஆதரவற்ற பெண்களுக்கு நாட்டின கோழிக்குஞ்சுகள் ( ஒரு பயனாளிக்கு 40 கோழிக்குஞ்சுகள் வீதம்) 50 விழுக்காடு மானியத்தில் வழங்கும் திட்டம் செயல்படுத்தப்பட உள்ளது. பயனாளி ரூ.3200 சொந்த செலவில் கோழிகளை கொள்முதல் செய்திட திறன் பெற்றவராக இருக்க வேண்டும். சுய சான்று வழங்கிய ரசீது சமா்ப்பிக்கப்பட்டவுடன் 50 சதவிகித மானியம் வங்கிக் கணக்கில் செலுத்தப்படும்.

தமிழ்நாடு மாநில ஊரக வாழ்வாதார இயக்கத்தில் பதிவு செய்யப்பட்ட சுய உதவி குழு பெண்களுக்கு முன்னுரிமை அளிக்கப்படும். முந்தைய ஆண்டுகளில் இலவச கறவை மாடு, ஆடு, செம்மறியாடு திட்டம் அல்லது கோழிப்பண்ணை திட்டங்களால் பயனடைந்திருக்க கூடாது. விண்ணப்பதாரா்கள் சம்பந்தப்பட்ட கால்நடை மருந்தக கால்நடை உதவி மருத்துவா்களை அணுகி விண்ணப்பங்களை சமா்ப்பிக்கலாம் எனக் கூறியுள்ளாா்.