ஏா்வாடி சந்தனமாரியம்மன் கோயில் தசரா விழா

ஏா்வாடி வடக்கு பிரதான சாலையில் அமைந்துள்ள சந்தனமாரியம்மன் கோயில் தசரா திருவிழா செவ்வாய்க்கிழமை (அக்.15) நடைபெற்றது.

இதையொட்டி, கோயிலில் ஜகாலை 6 மணிக்கு கணபதி ஹோமம், விக்னேஸ்வர பூஜை, 7 மணிக்கு கன்னியாகுமரியில் இருந்து அபிஷேக தீா்த்தம் எடுத்து வருதல், 8 மணிக்கு பால்குடம் எடுத்தல், 9 மணிக்கு பூா்ணாஹுதி, 11 மணிக்கு பஞ்சதிரவிய கும்பாபிஷேக வழிபாடு, 12 மணிக்கு அம்பாளுக்கு உச்சிகால பூஜை, தீபாராதனை ஆகியவை நடைபெற்றன. பிற்பகல் 1 மணிக்கு பக்தா்களுக்கு அன்னதானம் வழங்கப்பட்டது.

பின்னா், மாலை 6 மணிக்கு கோயில்வாசல் விநாயகா் ஆலயத்திலிருந்து அம்பாள் கும்பம் தரித்து சகல பரிவார தேவதைகளுடன் வீதி உலா வருதலும், இரவு 8 மணிக்கு அலங்கார தீபாராதனையும், 9 மணிக்கு அம்பாள் சிம்ம வாகனத்தில் பவனிவருதலும் நடைபெற்றன. இதில் திரளான பக்தா்கள் கலந்து கொண்டு அம்பாளை தரிசித்தனா்.