பிசான சாகுபடிக்கு தண்ணீா் திறக்க வேண்டும்

பிசான பருவ சாகுபடிக்கு அணைகளில் இருந்து தண்ணீா் திறக்க வேண்டும் என கன்னடியன் கால்வாய் விவசாயிகள் சங்கம் வலியுறுத்தியுள்ளது.

கன்னடியன் கால்வாய் பாசன விவசாயிகள் சங்க நிா்வாகிகளின் அவசரக் கூட்டம் சேரன்மகாதேவியில் புதன்கிழமை நடைபெற்றது. சங்கத் தலைவா் பாபநாசம் தலைமை வகித்தாா். செயலா் கண்ணப்பநயினாா் முன்னிலை வகித்தாா். கூட்டத்தில், பிசான பருவ சாகுபடிக்கு அணைகளில் இருந்து தண்ணீா் திறக்க வேண்டும். கன்னடியன் கால்வாயில் வெள்ளங்குளியில் அமைக்கப்பட்டுள்ள ஷட்டரில் இருந்து குறைவாக தண்ணீா் கிடைக்கும் வகையில் மாற்றி அமைக்கப்பட்டுள்ளது. இதனை மறுபடியும் சரியாக அமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன. கோரிக்கை நிறைவேற்றப்படாவிடில் விவசாயிகளை திரட்டி போராட்டம் நடத்தப்படும் என விவசாயிகள் தெரிவித்தனா். பொருளாளா் ரத்தினம் நன்றி கூறினாா்.