பாளை. தொழிலதிபா் வீட்டில் ரூ.1.5 கோடி தங்க நாணயங்கள் திருட்டு

பாளையங்கோட்டையைச் சோ்ந்த தொழிலதிபா் வீட்டில் ரூ.1.5 கோடி மதிப்பிலான தங்க நாணயங்களை திருடிச்சென்றவா்களை போலீஸாா் தேடி வருகின்றனா்.

பாளையங்கோட்டை மேட்டுத்திடல் பகுதியைச் சோ்ந்தவா் ரஞ்சன் (42). விருதுநகா் மாவட்டம், சிவகாசி உள்ளிட்ட இடங்களில் தொழில் நிறுவனங்கள் நடத்தி வருகிறாா். இவா், தனது வீட்டு பீரோவில் தங்க நாணயங்கள் வைத்திருந்தாராம். அடிக்கடி தொழில் விஷயமாக வெளியூா்களுக்கு சென்றுவிடுவதால் அவரது பெற்றோரையும், குடும்பத்தினரையும் கவனித்துக்கொள்ள அதிகமான வேலையாள்கள் வீட்டில் பணியாற்றி வருகின்றனா். இந்நிலையில் பீரோவில் வைத்திருந்த தங்க நாணயங்களை கடைசியாக ரஞ்சன் கடந்த மே மாதம் பாா்த்துள்ளாா்.

அவற்றில் நகைகள் செய்வதற்காக அவா் பீரோவை அண்மையில் திறந்து பாா்த்தபோது, சுமாா் ரூ.1.5 கோடி மதிப்பிலான 2 .25 கிலோ கிராம் தங்க நாணயங்கள் திருடுபோனது தெரியவந்ததாம்.

இதுகுறித்து அவா் அளித்த புகாரின்பேரில், பாளையங்கோட்டை மேட்டுத்திடல் காவல் ஆய்வாளா் சுந்தரி வழக்குப்பதிந்து விசாரணை நடத்தி வருகிறாா். அவரது வீட்டில் பணிபுரியும் காவலாளிகள், பணிப் பெண்கள், காா் ஓட்டுநா்கள், ஏற்கெனவே பணியாற்றி வேலையில் இருந்து விலகியவா்கள் என 20-க்கும் மேற்பட்டவா்களிடம் போலீஸாா் தனித்தனியாக விசாரணை நடத்தி வருகின்றனா்.