திருநெல்வேலி கால்நடை மருத்துவக் கல்லூரி - ஆராய்ச்சி நிலையத்தில் இந்திய வேளாண்ஆராய்ச்சி கழகத்தின் சாா்பில் பட்டியலின மக்களுக்கான திறன் வளா்ப்பு பட்டறை, விழிப்புணா்வு கண்காட்சி வியாழக்கிழமை நடைபெற்றது.

இந்திய வேளாண்ஆராய்ச்சி கழகத்தின் பட்டியலின மக்களுக்கான உப திட்டம் 2023 - 24 நிதி உதவியுடன் பட்டியலின விவசாயிகள் மற்றும் மாணவா்களுக்கான விழிப்புணா்வுக் கண்காட்சி, திறன் வளா்ப்பு பட்டறை, இடுபொருள்கள் வழங்கும் நிகழ்ச்சி நடைபெற்றது.

திருநெல்வேலி மாவட்ட ஆட்சியா் கா.ப. காா்த்திகேயன் கலந்து கொண்டு நிகழ்ச்சியை தொடங்கி வைத்துப் பேசினாா். தமிழ்நாடு கால்நடை மருத்துவ அறிவியல் பல்கலைக்கழகத்தின் துணைவேந்தா் செல்வகுமாா், தமிழ்நாடு பாடநூல் - கல்வியியல் பணிகள் கழக இணை இயக்குநா் சங்கர. சரவணன் ஆகியோா் சிறப்பு சிறப்புரை ஆற்றினா். விவசாயிகளுக்கு இடுபொருள்கள் வழங்கப்பட்டன. இந்த நிகழ்ச்சியில் மொத்தம் 90 கால்நடை வளா்ப்பாளா்கள், 101 கால்நடை மருத்துவம் பயிலும் இளநிலை மற்றும் முதுநிலை மாணவா்கள் கலந்து கொண்டனா்.

தமிழ்நாடு கால்நடை மருத்துவ அறிவியல் பல்கலைக்கழகத்தின் அடிப்படை அறிவியல் புல முதல்வா் சதீஷ்குமாா், திருநெல்வேலி கால்நடை மருத்துவக் கல்லூரி- ஆராய்ச்சி நிலைய முதல்வா் ம. செல்லப்பாண்டியன், கால்நடை மரபியல் - இனப்பெருக்கத்துறை தலைவா் பெ.கோபு, கால்நடை விரிவாக்கக் கல்வித்துறை தலைவா் ம. பூபதி ராஜா ஆகியோா் நிகழ்ச்சிக்கான ஏற்பாடுகளை செய்திருந்தனா்.