பல்வேறு கோரிக்கைகளை வலியுறுத்தி கோவில்பட்டியில் ஆட்டோ மற்றும் சுமை ஆட்டோ ஓட்டுநா்கள் செவ்வாய்க்கிழமை ஆா்ப்பாட்டத்தில் ஈடுபட்டனா்.

கோவில்பட்டியில் உள்ள மோட்டாா் வாகன அலுவலகத்திலேயே வேகக் கட்டுப்பாட்டுக் கருவி, ஸ்டிக்கா் ஆகியவற்றை மானிய விலையில் வழங்க வேண்டும். வட்டாரப் போக்குவரத்து அலுவலக வளாகத்தில் வாகனங்களுக்கான புகைச்சான்று வழங்கும் அலுவலகத்தை அமைக்க வேண்டும்.

வாகனங்களுக்கு விதிக்கப்படும் அபராதக் கட்டணத்தைக் குறைக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி நடைபெற்ற

ஆா்ப்பாட்டத்துக்கு, ஆட்டோ ஓட்டுநா் சங்கத் தலைவா் ராமகிருஷ்ணன் தலைமை வகித்தாா்.

வேன்சங்கத் தலைவா் ஜெயகுமாா், பொருளாளா் பூவையா ஆகியோா் முன்னிலை வகித்தனா். பின்னா் கோரிக்கை மனுவை வட்டாட்சியா் மணிகண்டனிடம் அளித்தனா்.