திருச்செந்தூா் கோயிலில் இன்று ஆவணித் திருவிழா கொடியேற்றம்

திருச்செந்தூா் அருள்மிகு சுப்பிரமணிய சுவாமி கோயிலில் வெள்ளிக்கிழமை (ஆக.27) ஆவணித் திருவிழா கொடியேற்றம் நடைபெறவிருப்பதையொட்டி, வியாழக்கிழமை கொடிப்பட்ட உலா நடைபெற்றது.

இக்கோயிலில் நடைபெறும் முக்கிய திருவிழாக்களில் ஆவணி, மாசித் திருவிழாக்கள் புகழ்பெற்றவை. நிகழாண்டு ஆவணித் திருவிழா வெள்ளிக்கிழமை அதிகாலை 5 மணியளவில் கொடியேற்றத்துடன் தொடங்கி, செப். 5 வரை நடைபெறுகிறது.

இதையொட்டி, வியாழக்கிழமை மாலை கொடிப்பட்ட உலா நடைபெற்றது. வழக்கமாக திருவிழா கொடிப்பட்டம் வடக்கு ரத வீதியில் உள்ள 14 ஊா் செங்குந்தா் முதலியாா் மண்டபத்திலிருந்து யானை மீது வைத்து வீதியுலாவாக கோயில் வந்து சேரும். ஆனால், கடந்த ஆண்டைப் போலவே நிகழாண்டும் கரோனா பொது முடக்கத்தால் தூண்டுகை விநாயகா் கோயிலிலிருந்து கொடிப்பட்ட உலா தொடங்கி கிரிப்பிரகாரம் வழியாக கோயில் சோ்ந்தது.

முன்னதாக, தூண்டுகை விநாயகா் கோயிலில் பூஜைசெய்யப்பட்ட கொடிப்பட்டம் 2ஆம் படி செப்பு ஸ்தலத்தாா் ச. கிருஷ்ணமூா்த்தி தீட்சிதா் யானை மீது வைத்து கையில் ஏந்தியவாறு கிரி வீதியுலா வந்து கோயில் சென்றது.

நிகழ்ச்சியில், கோயில் உதவி ஆணையா் வே. செல்வராஜ், மக்கள் தொடா்பு அலுவலா் மாரிமுத்து, கோயில் பணியாளா்கள், திரிசுதந்திர பிராமண சமுதாயத்தினா், பக்தா்கள் பங்கேற்றனா்.

கொடியேற்றம்: கொடியேற்றத்தை முன்னிட்டு வெள்ளிக்கிழமை, கோயில் நடை அதிகாலை 1 மணிக்கு திறக்கப்படுகிறது. தொடா்ந்து, 1.30 மணிக்கு விஸ்வரூபம், 2 மணிக்கு உதயமாா்த்தாண்ட அபிஷேகம் நடைபெறுகிறது. காலை 5 மணியளவில் செப்புக் கொடிமரத்தில் கொடியேற்றப்படுகிறது.

திருவிழா கொடியேற்றம், 5ஆம் திருநாளான ஆக. 31இல் குடைவரைவாயில் தீபாராதனை, செப். 2, 3ஆம் தேதிகளில் சுவாமி சண்முகா் சிகப்பு, வெள்ளை, பச்சை சாத்தி எழுந்தருளல் ஆகிய நிகழ்ச்சிகள் பக்தா்கள் வசதிக்காக இணையதள வலைதளத்தில் நேரடியாக ஒளிபரப்பப்படுகின்றன.

ஏற்பாடுகளை தக்காா் இரா. கண்ணன் ஆதித்தன், இணை ஆணையா் ம. அன்புமணி, உதவி ஆணையா் வே. செல்வராஜ், கோயில் பணியாளா்கள் செய்துவருகின்றனா்.