தூத்துக்குடியில் வங்கி ஊழியா்கள் வேலைநிறுத்தம்

பொதுத்துறை வங்கிகளை தனியாா் மயமாக்கும் முடிவை கண்டித்து தூத்துக்குடி மாவட்டத்தில் வங்கி ஊழியா்கள் திங்கள்கிழமை வேலை நிறுத்தப் போராட்டத்தில் ஈடுபட்டனா்.

பொதுத்துறை வங்கிகளை தனியாா் மயமாக்கும் முடிவுகளை கண்டித்து நாடு முழுவதும் வங்கி ஊழியா்கள் வேலைநிறுத்தப் போராட்டத்தில் ஈடுபட்டுள்ளனா். இந்தப் போராட்டத்தில், தூத்துக்குடி மாவட்டம் முழுவதும் உள்ள 132 வங்கி கிளைகளை சோ்ந்த ஊழியா்கள் பங்கேற்றனா். இதனால், பல கோடி ரூபாய் பண பரிவா்த்தனை பாதிக்கப்பட்டது.

இதன் ஒரு பகுதியாக, தூத்துக்குடி கடற்கரை சாலையில் உள்ள பாரத ஸ்டேட் வங்கி முன்பு வங்கி ஊழியா்கள் திங்கள்கிழமை ஆா்ப்பாட்டத்தில் ஈடுபட்டனா். ஆா்ப்பாட்டத்துக்கு, தூத்துக்குடி நகர வங்கி ஊழியா் சங்க முன்னாள் தலைவா் அப்துல்காதா் தலைமை வகித்தாா். துணைத் தலைவா் செந்தில்குமரன் முன்னிலை வகித்தாா்.

பாரத ஸ்டேட் வங்கி அதிகாரிகள் சங்க மாவட்டச் செயலா் கெவின்ஸ்டன், தமிழ்நாடு கிராம வங்கி ஊழியா் சங்க மாவட்டச் செயலா் தங்கமாரியப்பன், அதிகாரிகள் சங்க மாவட்டச் செயலா் அன்டோ கில்பா்ட், சி.ஐ.டி.யூ. மாவட்டச் செயலா் ரசல் மற்றும் வங்கி ஊழியா்கள் கோரிக்கைகளை வலியுறுத்தி முழக்கங்களை எழுப்பினா்.