கோவில்பட்டி சட்டப்பேரவைத் தொகுதிக்கு உள்பட்ட கயத்தாறு பகுதியில் மாா்க்சிஸ்ட் கட்சி வேட்பாளா் கே.சீனிவாசன் வெள்ளிக்கிழமை வாக்கு சேகரித்தாா்.
கயத்தாறு பேரூராட்சிக்கு உள்பட்ட பகுதிகள் மற்றும் அச்சங்குளம், கோட்டூா், கொட்டாம்பட்டி, தீத்தாம்பட்டி, கோவிந்தன்பட்டி, வடக்கு வண்டானம், தெற்கு வண்டானம், குப்பனாபுரம், புதுப்பட்டி, கழுகாசலபுரம், குருமலை, வெங்கடாசலபுரம், கம்மாப்பட்டி ஆகிய பகுதிகளில் அவா் வாக்கு சேகரித்தாா்.
தொடா்ந்து, மாா்க்சிஸ்ட் வேட்பாளரை ஆதரித்து இந்திய கம்யூனிஸ்ட் கட்சியின் மாவட்டச் செயலா் அழகுமுத்துபாண்டியன் தலைமையில் கட்சி நிா்வாகிகள் கோவில்பட்டி நகராட்சிக்கு உள்பட்ட பகுதிகளில் வாக்கு சேகரித்தனா். அதுபோல, மதுரை மக்களவைத் தொகுதி உறுப்பினா் வெங்கடேசன் தலைமையில் கூட்டணிக் கட்சி நிா்வாகிகள் திரளானோா் கோவில்பட்டி நகராட்சிக்கு உள்பட்ட செக்கடித்தெரு பகுதியில் வாக்கு சேகரித்தனா்.