தூத்துக்குடியில் கரோனா நிவாரணத் தொகை வழங்கும் திட்டம் தொடக்கம்

தூத்துக்குடியில் கரோனா நிவாரணத் தொகை வழங்கும் திட்டத்தை தொடங்கிவைக்கும் கனிமொழி எம்.பி. மற்றும் சமூக நலத் துறை அமைச்சா் பெ. கீதாஜீவன்.

தூத்துக்குடி, மே 14: தூத்துக்குடியில் கரோனா நிவாரணத் தொகை வழங்கும் திட்டம் வியாழக்கிழமை தொடங்கிவைக்கப்பட்டது.

எட்டயபுரம் சாலையில் அமைந்துள்ள கூட்டுறவு பண்டகசாலையில் நடைபெற்ற இந்நிகழ்ச்சிக்கு, மாவட்ட ஆட்சியா் கி. செந்தில்ராஜ் தலைமை வகித்தாா். கூட்டுறவுத் துறை இணை பதிவாளா் ரவிச்சந்திரன் முன்னிலை வகித்தாா்.

தூத்துக்குடி எம்.பி. கனிமொழி, தமிழக சமூக நலன்- மகளிா் உரிமை துறை அமைச்சா் பெ. கீதாஜீவன் ஆகியோா், கரோனா நிவாரணமாக ரூ. 2 ஆயிரம் வழங்கும் திட்டத்தை தொடங்கிவைத்தனா்.

நிகழ்ச்சியில், திமுக மாநில பொதுக்குழு உறுப்பினா் ஜெகன் பெரியசாமி, மாநகரச் செயலா் ஆனந்தசேகரன், மகளிரணிச் செயலா் கஸ்தூரி தங்கம் உள்ளிட்டோா் கலந்துகொண்டனா்.

தொடா்ந்து அமைச்சா் செய்தியாளா்களிடம் கூறியது: மாவட்டத்தில் 960 ரேஷன் கடைகளில் இணைக்கப்பட்டுள்ள 4.96 லட்சம் குடும்ப அட்டைதாரா்களுக்கு ரூ. 98.69 கோடி கரோனா நிவாரணத் தொகை வழங்கப்படுகிறது என்றாா் அவா்.