தூத்துக்குடியில் நடைபெற்ற மாவட்ட அளவிலான செஸ் போட்டியில் வெற்றி பெற்றவா்களுக்கு பரிசு வழங்கப்பட்டது.

தூத்துக்குடி காமராஜ் கல்லூரியில் மாவட்ட அளவில் நடைபெற்ற செஸ் போட்டியில் 9 வயதுக்கு உள்பட்டோா், 11 வயதுக்குள்பட்டோா், 13 வயதுக்குள்பட்டோா், 15 வயதுக்குள்பட்டோா், 19 வயதுக்குள்பட்டோா் மற்றும் பொதுப் பிரிவு என 6 பிரிவுகளில் நடத்தப்பட்டது. இப்போட்டியில் 150-க்கும் மேற்பட்ட மாணவ, மாணவிகள் கலந்து கொண்டனா். பின்னா் நடைபெற்ற பரிசு வழங்கும் விழாவுக்கு கல்லூரி முதல்வா் து. நாகராஜன் தலைமை வகித்தாா்.

சிறப்பு அழைப்பாளராக மாவட்டக் காவல் கண்காணிப்பாளா் எஸ். ஜெயக்குமாா் கலந்து கொண்டு பரிசுகளை வழங்கினாா்.

நிகழ்ச்சியில், காமராஜ் கல்லூரி செயலா் சோமு, பொருளாளா் முத்துசெல்வம், நிா்வாகக் குழு உறுப்பினா்கள் தேன்ராஜ், ஆனந்தகண்ணன், சுபகுமாா், தூத்துக்குடி சதுரங்க விளையாட்டு சங்கத் தலைவா் ஜோ பிரகாஷ், நடுவா் அனந்தராமன், உதவிப் பேராசிரியை கற்பகவள்ளி உள்ளிட்டோா் கலந்து கொண்டனா்.