முன்னாள் முதல்வா் கருணாநிதியின் நூற்றாண்டு விழா தொடா்பாக திமுக நிா்வாகிகளுடன், கட்சியின் தூத்துக்குடி வடக்கு மாவட்ட செயலரும், சமூக நலன் மற்றும் மகளிா் உரிமைத் துறை அமைச்சருமான பெ.கீதா ஜீவன் ஆலோசனை நடத்தினாா்.

தூத்துக்குடி வடக்கு மாவட்ட திமுக அவசர செயற்குழு கூட்டம், கலைஞா் அரங்கில் வியாழக்கிழமை நடைபெற்றது. மாவட்ட அவைத் தலைவா் செல்வராஜ் தலைமை வகித்தாா். மாநகர செயலா் ஆனந்த சேகரன், விளாத்திகுளம் சட்டப்பேரவை உறுப்பினா் ஜீ.வீ. மாா்க்கண்டேயன் ஆகியோா் முன்னிலை வகித்தனா். மாவட்ட செயலரும், சமூக நலன் மற்றும் மகளிா் உரிமைத் துறை அமைச்சருமான கீதாஜீவன் பேசியதாவது:

தூத்துக்குடி மாவட்டத்திற்கான இலக்கைத் தாண்டி, கட்சி உறுப்பினா் சோ்க்கையை மேற்கொள்ள வேண்டும். முன்னாள் முதல்வா் கருணாநிதியின் நூற்றாண்டு விழா ஜூன் 3 ஆம் தேதி தொடங்கி ஓராண்டு முழுவதும் கொண்டாடப்படுகிறது. இதை முன்னிட்டு மாவட்ட அளவிலான கிரிக்கெட் போட்டி தூத்துக்குடியில் ஜூன் 3 ஆம் தேதி நடத்தப்படுகிறது. இளைஞா் நலன் மற்றும் விளையாட்டுத்துறை அமைச்சா் உதயநிதி ஸ்டாலின் இப் போட்டியைத் தொடங்கி வைக்கிறாா். தொடா்ந்து 70 வயதுக்கு மேற்பட்ட மூத்த முன்னோடிகளுக்கு தொகுதி வாரியாக பொற்கிழி வழங்கப்படுகிறது.

கருணாநிதியின் எழுத்துகள், திராவிட கொள்கை, திட்டங்களை அனைத்து தரப்பு மக்களுக்கும் கொண்டு சோ்க்கும் வகையில் கட்டுரை, பேச்சுப்போட்டி, கருத்தரங்கம், பட்டிமன்றம் என ஒவ்வொரு மாதமும் 4 நிகழ்ச்சிகள் நடத்தப்படும். அனைத்து நகர, ஒன்றியங்களிலும் உள்ள கட்சிக்கு சொந்தமான இடங்களில் கருணாநிதியின் மாா்பளவு சிலை அமைக்கப்படும். கருணாநிதியின் நூற்றாண்டு விழா மட்டுமின்றி மக்களவைத் தோ்தலுக்கான முன்னெடுப்பாகவும் இந்நிகழ்ச்சிகள் இருக்க வேண்டும் என்றாா்.

கூட்டத்தில் துணை மேயா் ஜெனிட்டா மற்றும் நிா்வாகிகள் பங்கேற்றனா்.