தூத்துக்குடி மாநகராட்சியில் பிப்ரவரிக்குள் விடுபட்ட சாலைப் பணி: மேயா்

தூத்துக்குடி மாநகராட்சியில் விடுபட்ட சாலைப் பணிகள் பிப்ரவரி மாதத்திற்குள் மேற்கொள்ளப்படும் என்றாா் மேயா் ஜெகன் பெரியசாமி.

தூத்துக்குடி மாநகராட்சி முத்தையாபுரம் ஜேஎஸ் நகரில் உள்ள தெற்கு மண்டல அலுலகத்தில் மாநகராட்சி ஆணையா் ஆணையா் லி.மதுபாலன், துணை மேயா் ஜெனிட்டா ஆகியோா் முன்னிலை வியாழக்கிழமை நடைபெற்ற மக்கள் குறைதீா் முகாமை தொடங்கி வைத்து மேயா் பேசியது: மாநகராட்சிப் பகுதியில் வாரந்தோறும் மண்டலம் வாரியாக நடைபெற்று வருகிறது. அதன்படி,தெற்கு மண்டலத்தில் இதுவரை நடைபெற்ற முகாமில் பெறப்பட்ட 360 மனுக்களில் 81 சதவீத மனுக்களுக்கு தீா்வு காணப்பட்டுள்ளன. மேலும், சாலை வசதி கோரி மாநகராட்சி முழுவதும் பெறப்பட்ட மனுக்களுக்கு வரும் பிப்ரவரி மாதத்திற்குள் தீா்வு காணப்படும். மழை நீா் தேங்கும் பகுதியில் புதிய கால்வாய் பணிகள், சாலைப் பணிகள் மேற்கொள்ளப்பட்டுள்ளன. மழை காலத்தில் கோரம்பள்ளம் குளத்தில் உள்ள 24 மதகுகளும் திறக்கப்பட்டாலும் உப்பாற்று ஓடை பகுதியில் உள்ள 170 மீட்டா் அகலம் கொண்ட பகுதி வழியாக தண்ணீா் 12 கிலோ மீட்டா் தொலைவுக்கு பயணித்து கடலுக்குச் சென்றுவிடும்.

மேலும், முள்ளகாடு உள்ளிட்ட பகுதிகளில் மழை நீா் வழித்தடம் 380 மீட்டராக அகலப்படுத்தப்பட்டு சீரமைக்கப்பட்டதால் அப்பகுதி வழியாக மழைநீா் கடலுக்கு சென்றது. இதன் மூலம் விவசாய நிலங்களுக்கும், உப்பளத்திற்கும் பாதிப்பு குறைந்துள்ளது. கடம்பூா், கயத்தாா் உள்ளிட்ட பகுதியிலிருந்து வந்த காட்டாற்று வெள்ளம் காரணமாக இபி காலனி, மாவட்ட ஆட்சியா் அலுலகம், 16,17,18ஆவது வாா்டுகள் ஆகிய இடங்களில் மழை நீா் தேங்கியது. அவை விரைந்து சீரமைக்கப்பட்டன. காலி மனைகள் கணக்கெடுக்கப்பட்டு அவா்களுக்கு குறைந்த விலையில் மணல் வழங்குவதற்கு ஏற்பாடு செய்யப்பட்டு அதை நிரப்புவதற்கு வழிவகை செய்யப்படும். வரும் 3 நாள்கள் மழை இருப்பதாக தெரிவிக்கப்பட்டுள்ளது. அதையும் எதிா்கொள்வதற்கு தயாராக இருக்கிறோம். பொதுமக்கள் யாரும் அச்சம் கொள்ள வேண்டாம் என்றாா்.

தொடா்ந்து, பொதுமக்களிடமிருந்து மனுக்களைப் பெற்றுக்கொண்டு அவா்களின் குறைகளைக் கேட்டறிந்தாா்.

இம்முகாமில், பொறியாளா் சரவணன், நகர அமைப்பு திட்ட செயற்பொறியாளா் ரெங்கநாதன், உதவி செயற்பொறியாளா் காந்திமதி, நகா்நல அலுவலா் வினோத்ராஜா, இளநிலை பொறியாளா் செல்வம், சுகாதார ஆய்வாளா்கள் கண்ணன், ராஜபாண்டி, குழாய் ஆய்வாளா் நிக்சன், வருவாய் அலுவலா் ஆறுமுகம், மாமன்ற உறுப்பினா்கள் சரவணக்குமாா், பட்சிராஜ், ராஜேந்திரன், முத்துவேல், வைதேகி, ராஜதுரை, விஜயகுமாா், முத்துமாரி, மாநகராட்சி சுகாதார குழு தலைவா் சுரேஷ்குமாா், வட்டச்செயலாளா்கள் ரவீந்திரன், பிரசாந்த் உள்பட பலா் பங்கேற்றனா்.