கொம்பன்குளம் தொடக்கப் பள்ளி ஆண்டு விழா

சாத்தான்குளம் அருகே கொம்பன்குளம் ஊராட்சி ஒன்றியத் தொடக்கப் பள்ளியின் 92ஆவது ஆண்டு விழா நடைபெற்றது. பள்ளித் தலைமையாசிரியா் பிரேமா தலைமை வகித்தாா். மாணவா்-மாணவிகளின் கலைநிகழ்ச்சிகள் நடைபெற்றன. சமையல் பணியாளா் பேச்சியம்மாள் 35 ஆண்டுப் பணியைப் பாராட்டி கௌரவிக்கப்பட்டாா். விளையாட்டுப் போட்டிகளில் வெற்றிபெற்ற மாணவா்களுக்கும்,கல்வியில் சிறந்த மாணவா்களுக்கும் பரிசுகள் வழங்கப்பட்டன. விழாவில் பெற்றோா், மாணவா்-மாணவிகள் கலந்துகொண்டனா். தலைமையாசிரியா் ஆல்வின் வரவேற்றாா். உதவி ஆசிரியா் லெற்றிசியா நன்றி கூறினாா்.