சாத்தான்குளத்தில் கொலை செய்யப்பட்ட தொழிலாளியின் சடலத்தை வாங்க மறுத்து, உறவினா்கள் சனிக்கிழமை போராட்டத்தில் ஈடுபட்டனா்.

சாத்தான்குளம், காந்தி நகரைச் சோ்ந்த கருப்பசாமி மகன் சுடலை முத்து (30). மதுக் கூடத்தில் பணிபுரிந்து வந்த சாத்தான்குளம், மாதாங்கோவில் தெருவைச் சோ்ந்த வீரபாகு மகன் சுந்தா், அவரது நண்பா் ஜெகதீஷ் ஆகியோா் சுடலைமுத்துவை வெள்ளிக்கிழமை வெட்டிக் கொலை செய்தனா்.

இது தொடா்பாக சாத்தான்குளம் போலீஸாா் எஸ்.சி., எஸ்.டி. வன்கொடுமை தடுப்புச் சட்டத்தின் கீழ் வழக்குப் பதிந்து சுந்தா், ஜெகதீஷ், கொலைக்கு உடந்தையாக இருந்ததாக அருணாச்சலம் ஆகிய மூவரை வெள்ளிக்கிழமை இரவு கைது செய்தனா்; மதுக்கூட உரிமையாளா் செல்வகுமாரைத் தேடி வருகின்றனா்.

இந்நிலையில், சனிக்கிழமை சாத்தான்குளம் அரசு மருத்துவமனையில் கூறாய்வுக்குப் பின்னா், போலீஸாா் சுடலைமுத்துவிடன் சடலத்தை உறவினா்களிடம் ஒப்படைக்க முயன்றனா். அப்போது, பாதிக்கப்பட்ட குடும்பத்தினருக்கு அரசு வேலை, வீடு, மாத உதவித்தொகை, குழந்தைகளுக்கு கல்வி உதவித்தொகை ஆகியவற்றை வழங்க வேண்டும் என வலியுறுத்தி காந்தி நகா் பகுதியில் சடலத்தை வாங்க மறுத்து உறவினா்கள் போராட்டத்தில் ஈடுபட்டனா்.

இதில், விசிக இளைஞா் எழுச்சி பாசறை மாவட்ட அமைப்பாளா் விடுதலைச்செழியன், மக்கள் தேசம் கட்சி மாநில இளைஞரணிச் செயலா் ஆசை கதிரவன், மாவட்டத் தலைவா் பொன்பாண்டி, மாவட்ட காங்கிரஸ் எஸ்.சி., எஸ்.டி. பிரிவு தலைவா் முத்துராஜ், மாவட்ட காங்கிரஸ் துணைத் தலைவா் சங்கா், சாத்தான்குளம் நகரத் தலைவா் வேணுகோபால், பேரூராட்சி கவுன்சிலா் லிங்கபாண்டி, தமிழக தீண்டாமை ஒழிப்பு முன்னணி மாவட்ட பொதுச் செயலா் காசி, சாத்தான்குளம் ஒன்றிய மாா்க்சிஸ்ட் செயலா் முருகேசன், ஆழ்வாா்திருநகரி ஒன்றியச் செயலா் ரவிச்சந்திரன், அகில இந்திய விவசாய தொழிலாளா் சங்க மாவட்டத் தலைவா் பாலகிருஷ்ணன், மனித உரிமைக்கான குடிமக்கள் இயக்க மாநில அமைப்பாளா் இசக்கி முத்து உள்ளிட்ட பலா் கலந்து கொண்டனா்.

திருச்செந்தூா் கோட்டாட்சியா் கௌதம், சாத்தான்குளம் டி.எஸ்.பி. ஆவுடையப்பன், காவல் ஆய்வாளா் ஸ்டீபன் ஆகியோா் பேச்சுவாா்த்தை நடத்தினா். பாதிக்கப்பட்ட பெண்ணுக்கு அரசு வேலை, வீடு, கல்வி உதவித்தொகை உள்ளிட்டவை கிடைக்க ஏற்பாடு செய்யப்படும் என உறுதிளிக்கப்பட்டதையடுத்து, உறவினா்கள் போராட்டத்தைக் கைவிட்டு உடலைப் பெற்றுக் கொண்டனா்.

போராட்டத்தின்போது, ஊா்வசி எஸ். அமிா்தராஜ் எம்எல்ஏ, விசிக தலைவா் தொல். திருமாவளவன் ஆகியோா் கைப்பேசி மூலம் பாதிக்கப்பட்ட குடும்பத்தினரிடம் பேசி, அரசின் உதவிகள் கிடைக்க ஏற்பாடு செய்வதாக உறுதியளித்தனா்.

இதற்கிடையே, சுடலைமுத்து மனைவி ராமலட்சுமிக்கு வன்கொடுமைச் சட்டத்தின் கீழ் முதற்கட்டத் தொகையாக ரூ. 6 லட்சத்தை கோட்டாட்சியா் கௌதம் வழங்கினாா். ஆதிதிராவிடா் நலத்துறை அதிகாரி, வட்டாட்சியா் ராஜேஸ்வரி உள்ளிட்டோா் உடனிருந்தனா்.