அரியலூா்: அரியலூா் மாவட்டம், செந்துறை, ஜயங்கொண்டம், ஆண்டிமடம், அரியலூா் ஆகிய வட்டாரங்களில் அட்மா திட்டத்தின் செயல்பாடுகள் குறித்து திருநெல்வேலி உழவா் பயிற்சி நிலைய வேளாண் துணை இயக்குநா் வி.பாலசுப்ரமணியன் சனிக்கிழமை ஆய்வு செய்தாா்.

மண் புழு உர உற்பத்தி, பாலித்தீன் தாள் கொண்டு நிலப் போா்வை மூலம் சம்மங்கி சாகுபடி, நிலக் கடலை கருவி கொண்டு நிலக் கடலை சாகுபடி, காய்கறிகளை தரம் பிரித்து விற்பனைக்கு கொண்டு செல்லும் பிளாஸ்டிக் பெட்டிகள், சோலாா் மின்விளக்கு பொறி, அங்கங்க பண்ணையம் ஆகியவை ஆய்வு செய்த அவா், உற்பத்தி முறைகள் நவீனயுத்தி முறைகளை பற்றியும், லாபம் ஈட்டும் முறைகள் பற்றியும் விவசாயிகளிடம் எடுத்துரைத்தாா்.

ஆய்வின் போது வேளாண் துணை இயக்குநா் இரா.பழனிசாமி மற்றும் உதவி இயக்குநா்கள்,வேளாண் அலுவலா்கள்,வட்டார தொழில்நுட்ப மேலாளா்கள்,உதவி மேலாளா்கள் உள்ளிட்டோா் உடனிருந்தனா்.