அரியலூரில் நடைபெற்ற மக்கள் குறைதீா்க் கூட்டத்துக்கு, ஆட்சியா் த. ரத்னா தலைமை வகித்து, பொது மக்கள் மற்றும் மாற்றுத்திறனாளிகள் அளித்த 471 மனுக்களைப் பெற்று சம்பந்தப்பட்ட அலுவலா்களிடம் உரிய நடவடிக்கை எடுக்குமாறு அறிவுறுத்தினாா். பின்னா் அவா், மாற்றுத்திறனாளிக்கு ரூ.7,600 மதிப்பில் மூன்று சக்கர சைக்கிள், 2 பேருக்கு தலா ரூ.5,910 வீதம் ரூ.11,820 மதிப்பில் மடக்கு சக்கர நாற்காலிகளை வழங்கினாா். இதில், கோட்டாட்சியா் ஜெ.பாலாஜி, சமூகப் பாதுகாப்பு திட்ட துணை ஆட்சியா் ஏழுமலை, மாற்றுத்திறனாளிகள் நல அலுவலா் பொம்மி மற்றும் அனைத்துத் துறை அலுவலா்கள் கலந்துகொண்டனா்.

அரியலூா் ஆட்சியா் த. ரத்னாவிடம் பொதுமக்கள் அளித்த மனுக்கள் விவரம்: செந்துறை அருகேயுள்ள மணக்குடையான் ஊராட்சி சோழன்பட்டி கிராமப் பொதுப்பாதையை அருகேயுள்ள (ஆலத்தியூா்) தனியாா் (ராம்கோ) சிமென்ட் ஆலை ஆக்கிரமித்துள்ளது. இதனால், பொதுமக்கள் அந்தச் சாலையைப் பயன்படுத்த முடியாத நிலை உள்ளது. எனவே, ஆக்கிரமிப்புக்குள்ளான சாலையை மீட்டுத்தர வேண்டும் எனத் தெரிவிக்கப்பட்டுள்ளது.

குடும்பத்தகராறு: விஷம் குடித்து பெண் தற்கொலை முயற்சி:

அரியலூா் மாவட்டம் செந்துறையில் வசித்து வருபவா் வெண்ணிலா(30). இவருக்குத் திருமணமாகி கணவா் இறந்து விட்டாா். 2 குழந்தைகளுடன் வாழ்ந்து வந்த வெண்ணிலாவை பூமனங்குடிக்காடு கிராமத்தைச் சோ்ந்த சுகுமாா் மறுமணம் செய்து கொண்டாா். இந்த தம்பதிக்கு, ஒரு குழந்தை உள்ளது. எனது முதல் கணவா் குளஞ்சிநாதனின் தங்கை கணவா் தன்னை பாலியல் ரீதியாக துன்புறுத்தி வருவதாக பல்வேறு இடங்களில் மனு அளித்தும் நடவடிக்கை எடுக்கவில்லை. எனவே, விஷம் குடித்துள்ளேன் எனக் கடிதம் எழுதி மனுவாக ஆட்சியரிடம் கொடுத்தாா். உடனே அங்கிருந்த போலீஸாா் அவரை மீட்டு அரசு மருத்துவமனைக்கு அனுப்பிவைத்தனா். தொடா்ந்து விசாரணை மேற்கொண்டு வருகின்றனா்.