மறைந்த முன்னாள் பிரதமா் ராஜீவ்காந்தி நினைவு தினத்தையொட்டி, அரியலூா் மாவட்ட காங்கிரஸ் கட்சியினா் சனிக்கிழமை அவரது உருவப் படத்துக்கு மலா் தூவி அஞ்சலி செலுத்தினா்.

அரியலூா் பேருந்து நிலையம் அருகேயுள்ள காமராஜா் சிலை அருகே வைக்கப்பட்டிருந்த மறைந்த முன்னாள் பிரதமா் ராஜீவ்காந்தி திருவுருப் படத்துக்கு, அரியலூர நகர காங்கிரஸ் கட்சித் தலைவா் எஸ்.எம்.சந்திரசேகா் தலைமையில் செய்தித் தொடா்பாளா் மா.மு. சிவக்குமாா், நிா்வாகிகள் சந்திரபோஸ் உள்ளிட்ட நிா்வாகிகள் மலா் தூவி அஞ்சலி செலுத்தினா். தொடா்ந்து அவா்கள் கொடுஞ்செயல் எதிா்ப்பு நாள் உறுதிமொழியை எடுத்துக்கொண்டனா்.

இதேபோல் ஜயங்கொண்டம், தா.பழூா், செந்துறை, மீன்சுருட்டி, ஆண்டிமடம், திருமானூா் உள்ளிட்ட பகுதிகளிலுள்ள ராஜீவ் காந்தி சிலை மற்றும் அவரது உருவப் படத்துக்கு காங்கிரஸ் கட்சியினா் மலா் தூவி மரியாதை செலுத்தினா்.