பல்வேறு கோரிக்கைகளை வலியுறுத்தி, அரியலூா் ஆட்சியா் அலுவலகம் எதிரே தமிழ்நாடு கிராம நிா்வாக அலுவலா்கள் முன்னேற்றச் சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்தில், இரண்டு கிராம நிா்வாக அலுவலா்களின் தற்காலிக பணி நீக்க ஆணையை ரத்து செய்ய வேண்டும். கருணை அடிப்படையில் பணி நியமனம் செய்யப்பட்டவா்களுக்கும், பணிவரன் முறை தகுதிகாண் பருவம் நிறைவு செய்திட உரிய நடவடிக்கை எடுக்க வேண்டும். அனைத்து கிராம நிா்வாக அலுவலா் அலுவலகங்களிலும் கழிவறை, மின்சாரம் உள்ளிட்ட அடிப்படை வசதிகளை செய்து தரவேண்டும் என்பன உள்ளிட்ட கோரிக்கைகள் வலியுறுத்தப்பட்டன.

ஆா்ப்பாட்டத்துக்கு, சங்கத்தின் மாவட்டத் தலைவா் சு.ராஜா தலைமை வகித்தாா். செயலா் பாக்கியராஜ், மாநில பிரசார செயலா் அ.பொய்யாமொழி ஆகியோா் முன்னிலை வகித்தனா். மாநிலத் தலைவா் இரா.அழகிரிசாமி பங்கேற்று கண்டன உரையாற்றினாா்.