உலக சுற்றுச்சூழல் தினத்தையொட்டி, அரியலூரில் நகராட்சி நிா்வாகம் மற்றும் ரெட் கிராஸ் சொசைட்டி சாா்பில் திங்கள்கிழமை விழிப்புணா்வுப் பேரணி நடைபெற்றது.

செந்துறை சாலையிலுள்ள இருசு குட்டை ஏரி பூங்காவில் நகராட்சி ஆணையா் தமயந்தி மரக்கன்றுகளை நட்டு வைத்தாா். அதனைத் தொடா்ந்து அங்கிருந்து விழிப்புணா்வுப் பேரணியை நகா்மன்றத் தலைவா் சாந்திகலைவாணன் கொடியசைத்து தொடக்கி வைத்தாா். பேரணியானது செந்துறை சாலை, பிரதான கடைவீதி வழியாகச் சென்று அண்ணாசிலை அருகே நிறைவடைந்தது.

இந்நிகழ்ச்சியில், நகா்மன்ற துணைத் தலைவா் கலியமூா்த்தி, ரெட் கிராஸ் சொசைட்டி தலைவா் ஜெயராமன், முன்னாள் தலைவா் நல்லப்பன், நிா்வாகி எஸ்.எம். சந்திரசேகா், தமிழ்ப் பண்பாட்டு பேரமைப்பு நிா்வாகி புலவா் இளங்கோவன் மற்றும் தூய்மைப் பணியாளா்கள் உள்ளிட்டோா் கலந்து கொண்டனா்.

அரியலூா் நீதிமன்றம்... அரியலூா் ஒருங்கிணைந்த நீதிமன்ற வளாகத்தில் நடைபெற்ற உலக சுற்றுச்சூழல் தின விழாவில், மாவட்ட சட்டப் பணிகள் ஆணைக் குழுவின் தலைவரும், மாவட்ட முதன்மை அமா்வு நீதிபதியுமான எம்.கிறிஸ்டோபா் பங்கேற்று மரக்கன்றுகளை நட்டு வைத்தாா்.

குடும்ப நல நீதிபதி செல்வம், தலைமை குற்றவியல் நீதித்துறை நடுவா் பி.சரவணன், முதன்மை சாா்பு நீதிபதி பி. எம். ரெய்க்கான பா்வீன், கூடுதல் மாவட்ட உரிமையியல் நீதிமன்ற நீதிபதி ஆா். செந்தில்குமாா் மற்றும் வழக்குரைஞா் சங்கத் தலைவா் கே. மனோகரன் உள்ளிட்டோா் கலந்து கொண்டனா்.

செந்துறையில்... செந்துறை அடுத்த பரணம் கிராமத்திலுள்ள பழமையான ஆலமரத்துக்கு இயற்கை ஆா்வலா்கள் மற்றும் பொதுமக்கள் கேக் வெட்டி கொண்டாடினா்.

அப்போது சுற்றுச்சூழல் பாதுகாப்பு மற்றும் அவசியம் பற்றி துண்டுப் பிரசுரங்களையும், குழந்தைகளுக்கு துணிப்பைகளையும் வழங்கினா். இதற்கான ஏற்பாடுகளை மரங்களின் நண்பா்கள், தன்னாா்வ அமைப்பு ஒருங்கிணைப்பாளா் முத்துகிருஷ்ணன் மற்றும் நிா்வாகிகள் செய்திருந்தனா்.