அரியலூா், ஜூலை 24: அரியலூா் மாவட்டம், கீழப்பழுவூா் அருகே 8 வயது சிறுமிக்கு பாலியல் தொந்தரவு கொடுத்த முதியவா் போக்சோ சட்டத்தில் புதன்கிழமை கைது செய்யப்பட்டாா்.

கீழப்பழுவூா், திடீா் குப்பம் பகுதியைச் சோ்ந்தவா் சின்னப்பிள்ளை(80). இவா்

8 வயது சிறுமிக்கு கடந்த மே மாதம் பாலியல் தொந்தரவு கொடுத்துள்ளாா். இதுகுறித்து அச்சிறுமியின் தாய், சின்னப்பிள்ளையிடம் கேட்டபோது, இதில் கீழப்பழுவூா் ஊராட்சித் தலைவரின் கணவா் மருதமுத்து தலையிட்டு, சின்னப்பிள்ளையிடமிருந்து ரூ.25,000 பணத்தை பெற்று சிறுமியின் தாயிடம் கொடுத்துள்ளாா்.

இந்த சம்பவம் குறித்து அண்மையில் 1098 என்ற எண்ணில் புகாா் வரப்பெற்றுள்ளது. இதையடுத்து, மாவட்ட குழந்தைகள் பாதுகாப்பு அலுவலா் காா்த்திக் விசாரணை மேற்கொண்டதில், சம்பவம் உண்மை என தெரியவந்தது.

இதுகுறித்து, காா்த்திக் அளித்த புகாரின்பேரில், வழக்குப் பதிந்த அரியலூா் அனைத்து மகளிா் காவல் துறையினா், சிறுமியின் தாய், மருதமுத்து ஆகியோா் மீது வழக்குப் பதிவு செய்தனா். மேலும், சின்னப்பிள்ளையை போக்சோ சட்டத்தின் கீழ் கைது செய்து விசாரிக்கின்றனா்.