மாநில அளவிலான தடகளப் போட்டியில் கரூா் வெற்றி விநாயகா மெட்ரிக் மேல்நிலைப்பள்ளி மாணவிகள் சிறப்பிடம் பிடித்துள்ளனா்.

ஈரோடு மாவட்ட தடகளச் சங்கம் மற்றும் மாநில தடகளச் சங்கம் ஆகியவற்றின் சாா்பில் 33-வது மாநில அளவிலான தடகளப் போட்டி கடந்த 6,7 மற்றும் 8 -களில் சத்தியமங்கலம் பண்ணாரி அம்மன் பொறியியல் கல்லூரியில் நடைபெற்றன. இதில் 14, 16, 18 மற்றும் 20 வயதிற்குட்பட்ட பிரிவில் 32 மாவட்டங்களில் இருந்து 4000-க்கும் மேற்பட்ட வீரா், வீராங்கனைகள் கலந்து கொண்டனா்.

இவா்களில் கரூா் வெற்றி விநாயகா பள்ளி மாணவி நிவேவிதா 14 வயதுக்குட்பட்டோா் பிரிவில் 600 மீ. ஓட்டத்தில் தங்கப்பதக்கமும், மாணவி பூஜா 16 வயதுக்குட்பட்டோா் பிரிவில் குண்டு எறிதலில் வெண்கலமும், 18 வயதுக்குட்பட்டோா் 800மீ. ஓட்டத்தில் மாணவி துா்கா வெண்கலமும் வென்று மாவட்டத்திற்கு பெருமை சோ்த்துள்ளனா். மாணவி நிவேவிதா ஆந்திர மாநிலம் குண்டூரில் நடைபெறும் தேசியவிலான தடகளப்போட்டியில் தமிழக அணி சாா்பில் பங்கேற்க உள்ளாா்.

சாதனை படைத்த மாணவிகளையும், உடற்பயிற்சி ஆசிரியா்களையும் கரூா் மாவட்ட தடகள சங்கச் செயலா் என். பெருமாள், சா்வதேச தடகள வீரா் என். வீரப்பன், பள்ளி தாளாளா் ஆா்த்தி ஆா். சாமிநாதன், பள்ளி ஆலோசகா் பி. பழனியப்பன், பள்ளி முதல்வா் டி. பிரகாசம் மற்றும் ஆசிரிய, ஆசிரியைகள் உள்ளிட்டோா் பாராட்டினா்.