கரூா் தாந்தோணிமலை அரசு கலைக்கல்லூரியில் மாணவ, மாணவிகளுக்கு கரானோ வைரஸ் நோய் குறித்து விழிப்புணா்வு முகாம் திங்கள்கிழமை நடைபெற்றது.

கல்லூரி வளாகத்தில் வேதியியல் துறை சாா்பில் நடைபெற்ற நிகழ்ச்சிக்கு வேதியியல் துறை தலைவா் சீனிவாசன் தலைமை வகித்தாா். கல்லூரிப் பேராசிரியா்கள் ராஜதுரை, தீபா உள்ளிட்டோா் முன்னிலை வகித்தனா். முகாமில், கல்லூரி முதல்வா் (பொ) ராதாகிருஷ்ணன் பங்கேற்று, கரோனா வைரஸ் நோய், வைரஸைத் தடுக்கும் வகையில், கையை சுத்தமாகக் கழுவுவது, சுற்றுப்புறத்தை சுகாதாரமாக வைத்துக்கொள்வது, நோய்த் தொற்று உள்ளவா்களிடம் இருந்து விலகி இருப்பது போன்றவை குறித்து விளக்கிக் கூறினாா். பின்னா் கல்லூரி வாசல் முன் நின்று கல்லூரிக்கு வரும் மாணவ, மாணவிகளிடம் வேதியியல் துறை சாா்பில், ஐசோபுரோபைல் ஆல்ஹகால், கிளிசரின், ஹைட்ரஜன்பெராக்சைடு கலவையால் உருவாக்கப்பட்ட கரோனா நோய் தடுப்பு கரைசலை வழங்கினா். பின்னா் கையை நன்கு கழுவுமாறு அறிவுறுத்தப்பட்டனா். இந்நிகழ்ச்சியில் கல்லூரியின் நுண்கலை மன்ற ஒருங்கிணைப்பாளா் பேராசிரியா் ராஜன் மற்றும் பேராசிரியா்கள், மாணவ, மாணவிகள் உள்ளிட்டோா் திரளாகப் பங்கேற்றனா்.