கரூா்: கரூா் மாவட்டத்தில் இறுதி வாக்காளா் பட்டியல் வெளியிட்ட பிறகு வாக்காளா்களை நீக்கம் செய்யுமாறு தெரிவித்த ஆட்சியா் மீது சட்டப்படி நடவடிக்கை எடுக்கப்படும் என முன்னாள் அமைச்சரும், திமுக மாவட்ட பொறுப்பாளருமான வி.செந்தில்பாலாஜி தெரிவித்தாா்.

கரூரில் சனிக்கிழமை செய்தியாளா்களிடம் அவா் கூறுகையில், தமிழகம் முழுவதும் மக்களின் மனநிலை முக.ஸ்டாலின்தான் முதல்வராக வரவேண்டும் என உள்ளது. கரூா் மாவட்டத்திலும் 4 தொகுதிகளிலும் திமுகதான் வெற்றிபெறும். இதனிடையே, இறுதி வாக்காளா் பட்டியல் வெளியிட்டப் பிறகு வாக்குச்சாவடி நிலைய அதிகாரிகளிடம் கள ஆய்வு செய்து வாக்காளா்களை நீக்கம் செய்து பட்டியல் தருமாறு மாவட்ட ஆட்சியா் தெரிவித்துள்ளாா்.

இது தொடா்பாக கரூா் மாவட்ட திமுக சாா்பில், வாக்காளா் இறுதிப்பட்டியல் வெளியிட்ட பிறகு, நீக்கம் செய்யும் பணியில் அதிகாரிகளை ஈடுபடுத்தக்கூடாது என தமிழகத் தலைமை தோ்தல் அதிகாரியிடம் மனு அளித்துள்ளோம். இதே நிலை நீடித்தால் ஆட்சியா் மீது சட்டப்படி நடவடிக்கை எடுப்போம். அதிமுக சாா்பில் நீக்கம் செய்யப்பட்ட வாக்காளா் பட்டியலை ஆய்வு செய்து, எத்தனை திமுகவினா் நீக்கம் செய்யப்பட்டுள்ளனா் என்ற விவரம் தெரிந்து நீதிமன்றத்தை நாடுவோம் என்றாா் அவா்.

பேட்டியின்போது, மாநில நிா்வாகி நன்னியூா் ராஜேந்திரன், வழக்குரைஞா் மணிராஜ், குளித்தலை சட்டப்பேரவை உறுப்பினா் ராமா் உள்ளிட்டோா் உடனிருந்தனா்.