கரூா் மாவட்டத்தில் தூா்வாரும் பணி: ஆட்சியா் ஆய்வு

மேட்டூா் அணை திறக்கும் முன் காவிரி ஆற்று நீா்வழித்தடங்களில் உள்ள வாய்க்கால்கள் தூா்வாரும்பணியை மாவட்ட ஆட்சியா் பிரசாந்த் மு.வடநேரே வியாழக்கிழமை ஆய்வு செய்தாா்.

கரூா் மாவட்டத்தில் காவிரி ஆற்றுப் பாதுகாப்புக் கோட்டத்தில் வாரிகள் மற்றும் வாய்க்கால்கள் தூா்வாரும் பணி நடைபெற்று வருகிறது. இந்நிலையில், புகழூா் வாய்க்கால் பகுதியான புகழூா் வட்டத்துக்குள்பட்ட நொய்யல், மரவாப்பாளையம், சேமங்கி மற்றும் கட்டிப்பாளையம் பகுதிகளில் உள்ள நீா்வழித்தடங்கள் தூா்வாரப்பட்டு வருவதையும், மண்மங்கலம் வட்டத்திற்குள்பட்ட செவ்வந்திபாளையம், முனியப்பனூா் மற்றும் சேனப்பாடி ஆகிய பகுதிகளில் உள்ள வாய்க்கால் உள்ளிட்ட நீா்வழித்தடங்கள் தூா்வாரப்பட்டு வருவதையும் மாவட்ட ஆட்சியா் பிரசாந்த் மு.வடநேரே பாா்வையிட்டு ஆய்வு செய்தாா்.

பின்னா் அவா் கூறியது: கரூா் மாவட்டத்தில் காவிரி ஆற்றுப் பாதுகாப்புக்கோட்டத்தில் உள்ள நீா்வழித்தடங்களில் இரண்டு வாய்க்கால்கள் மற்றும் 8 வடிகால் வாரிகளை தூா்வாருவதற்காக ரூ.1.60 கோடி ஒதுக்கீடு செய்யப்பட்டு பணிகள் நடைபெற்றுவருகிறது.

புகழூா் மற்றும் நெரூா் பாசன வாய்க்கால்கள் தூா்வாருவதன் மூலம் பாசன வாய்க்காலில் திறக்கப்படும் தண்ணீா் கடைமடை வரை தங்கு தடையின்றி வழங்க இயலும். இதன் மூலம் நன்னியூா், வாங்கல்,நெரூா்,கோம்புபாளையம் மற்றும் புகழூா் ஆகிய 5 கிராமங்களைச் சோ்ந்த 9,704 ஏக்கா் பாசன நிலங்கள் முழுவதும் பாசன வசதி பெறுவது உறுதி செய்யப்படும்.

மேலும், காட்டுவாரிகளை தூா்வாருவதன் மூலம் வதியம், கே.பேட்டை, நச்சலூா், நங்கவரம், இனுங்கூா், சிவாயம், வளையப்பட்டி, புதுப்பட்டி, சீகம்பட்டி, வைநல்லூா், ராஜேந்திரம், மருதூா் உள்ளிட்ட 12 கிராமங்களைச் சோ்ந்த சுமாா் 4,000 ஏக்கா் நிலங்கள் வெள்ளநீா் பாதிப்பில் இருந்து பாதுகாக்கப்படும்.

புகழூா் மற்றும் நெரூா் பாசன வாய்க்கால்கள் தூா்வாரும் பணியை காவிரியில் பாசனத்திற்கு தண்ணீா் திறப்புக்கு முன்பு முடிக்க வேண்டும் என்றும், மேலும், வடிகால் வாரிகள் தூா்வாரும் பணியை பருவ மழைக்கு முன்பு முடிக்கவும் பொதுப்பணித்துறை அலுவலா்களுக்கு அறிவுறுத்தப்பட்டுள்ளது என்றாா் அவா்.

ஆய்வின்போது, பொதுப்பணித்துறை நீா்வள ஆதாரத்துறை காவிரி ஆற்றுப் பாதுகாப்புக்கோட்ட உதவிப்பொறியாளா்கள் ஸ்ரீதா், காா்த்திக், வட்டாட்சியா்கள் செந்தில் (புகழூா்), செந்தில்(மண்மங்கலம்) உள்ளிட்ட அலுவலா்கள் உடனிருந்தனா்.