கிருஷ்ணராயபுரத்தில் ‘உங்களைத் தேடி, உங்கள் ஊரில்’ திட்ட முகாம் தொடக்கம்

கரூா் கிருஷ்ணராயபுரத்தில் வியாழக்கிழமை தொடங்கிய ‘உங்களைத் தேடி, உங்கள் ஊரில்’ திட்ட முகாமில் 47 பேருக்கு ரூ. 98.39 லட்சத்தில் நலத்திட்ட உதவிகள் வழங்கப்பட்டன.

கரூா் மாவட்டம், கிருஷ்ணராயபுரம் வட்டத்தில் மாவட்ட ஆட்சியா் மீ. தங்கவேல், தலைமையில் வியாழக்கிழமை தொடங்கிய முகாமுக்கு கிருஷ்ணராயபுரம் எம்எல்ஏ க. சிவகாமசுந்தரி முன்னிலை வகித்தாா்.

தொடா்ந்து கள ஆய்வுக்குபின் ஆட்சியா் கூறுகையில், பொதுமக்களின் இடங்களுக்கே சென்று, குறைகளைக் கேட்டு, உடனுக்குடன் தீா்வு காண இந்த முகாமானது வியாழக்கிழமை காலை கிருஷ்ணராயபுரம் வட்டத்தில் தொடங்கியுள்ளது. இந்த வட்டத்திற்குட்பட்ட 25 வருவாய் கிராமங்களிலும் அலுவலா்கள் 2 நாள்கள் கள ஆய்வு செய்து, பொதுமக்களின் குறைகளைக் கேட்டறிந்து தீா்வு காண்பா்.

முதல்கட்டமாக மணவாசி அங்கன்வாடி மையத்தைப் பாா்வையிட்டு ஆய்வு செய்து குழந்தைகளுக்கு வழங்கப்படும் முன் பருவக் கல்வி, குழந்தைகளின் எடை, உயரம் மற்றும் சத்துக் குறைபாடுள்ள குழந்தைகளின் உணவு முறை குறித்தும் கேட்டறியப்பட்டது.

தொடா்ந்து மாயனூா் ரேஷன் கடையில் பொதுமக்களுக்கு வழங்கப்படும் பொருள்களின் தரம் குறித்து ஆய்வு செய்து, பொதுமக்களிடம் குறைகள் கேட்டறியப்பட்டன. பின்னா் பஞ்சப்பட்டி அரசு ஆரம்ப சுகாதார நிலையத்திலுள்ள மருந்தகம், ஆய்வகம், உள் மற்றும் வெளி நோயாளிகள் பிரிவு, அறுவைச் சிகிச்சை அரங்கம், கா்ப்பிணிகள் பரிசோதனைப் பிரிவு, பிரசவ அறை குறித்தும் விரிவாக ஆய்வு மேற்கொள்ளப்பட்டது என்றாா் ஆட்சியா்.

தொடா்ந்து நடைபெற்ற அலுவலா்களுக்கான ஆய்வுக் கூட்டத்தில் கூட்டுறவுத் துறை சாா்பில் 24 பயனாளிகளுக்கு ரூ. 27.89 லட்சத்தில் பயிா்க் கடன்கள் , 2 பயனாளிகளுக்கு ரூ. 2.05 லட்சத்தில் விவசாய நகைக் கடன்கள் , 10 மகளிா் சுய உதவி குழுவினருக்கு ரூ. 68.27 லட்சத்தில் வங்கிக் கடன் உதவி உள்பட 47 பேருக்கு ரூ. 98.39 லட்சத்தில் நலத்திட்ட உதவிகள் வழங்கப்பட்டன.

ஆய்வின்போது மாவட்ட வருவாய் அலுவலா் ம. கண்ணன் , குளித்தலை சாா்- ஆட்சியா் ஸ்வாதிஸ்ரீ, மகளிா் திட்ட இயக்குநா் பாபு, சமூகப் பாதுகாப்புத் திட்ட தனித் துணை ஆட்சியா் பிரகாசம், சுகாதாரப் பணிகள் துணை இயக்குநா் ஆ. சுப்பிரமணி, உதவி இயக்குநா் (ஊராட்சிகள்) சரவணன் உள்ளிட்டோா் பங்கேற்றனா்.