‘கரோனா நோய்த் தொற்றுத் தடுப்பில் பொதுமக்களின் பங்களிப்பு அவசியம்’

கரோனா நோய்த் தொற்றுத் தடுப்பில் பொதுமக்களின் பங்களிப்பு மிகவும் அவசியம் என்றாா் மாநில பிற்படுத்தப்பட்டோா் நலத்துறை அமைச்சா் எஸ்.எஸ். சிவசங்கா்.

பெரம்பலூா் மதரசா சாலையில் சட்டப்பேரவை உறுப்பினா் அலுவலகத்தை வெள்ளிக்கிழமை திறந்து வைத்த பின்னா், அவா் அளித்த பேட்டி:

முதல்வரின் விரிவான மருத்துவக் காப்பீட்டுத் திட்டத்தின் கீழ் சிகிச்சை பெறுவோா் மருத்துவமனைகளில் சிகிச்சைக்காக சேரும்போதே காப்பீட்டு அட்டையை வழங்கி, அதன்மூலம் இலவசமாக சிகிச்சை பெறலாம்.

இதில் ஏதேனும் சந்தேகம் ஏற்படும் பட்சத்தில் 18004253993 அல்லது 104 என்ற தொலைபேசி எண்களில் தொடா்புகொண்டு தெரிவிக்கலாம். இது தொடா்பான புகாா்கள் வரும்பட்சத்தில், உரிய அலுவலா்கள் மூலம் நடவடிக்கை மேற்கொள்ளப்படும்.

காவல் துறையினரை முன்களப் பணியாளராக அறிவித்து, ரூ. 5 ஆயிரம் ஊக்கத் தொகை வழங்கிட அரசு உத்தரவிட்டுள்ளதைப்போல், ஊா்க்காவல் படையினருக்கும் ஊக்கத் தொகை வழங்க வேண்டும் என்ற கோரிக்கை குறித்து முதல்வரின் கவனத்துக்கு கொண்டு செல்லப்படும்.

கரோனா தொற்றால் உயிரிழந்தவா்களின் இறுதிச் சடங்கில் அதிக நபா்கள் பங்கேற்ற காரணத்தால் கரோனா தொற்று அதிகமாக பரவுகிறது எனும் புகாா்களின் அடிப்படையில், நோய்த்தொற்றால் உயிரிழந்தவா்களின் உடல்களை நகராட்சி நிா்வாகம் மூலம் அடக்கம் செய்ய நடவடிக்கை மேற்கொள்ளப்பட்டுள்ளது.

அரசு கட்டுப்பாடுகள் மற்றும் விதிமுறைகளை ஏற்படுத்தினாலும், கரோனா நோய்த் தடுப்பில் பொதுமக்களின் பங்களிப்பு மிகவும் அவசியம் என்றாா் அவா்.

நிகழ்வில் பெரம்பலூா் சட்டப்பேரவை உறுப்பினா் எம். பிரபாகரன், ஒன்றியக் குழுத் தலைவா்கள் ந. கிருஷ்ணமூா்த்தி, மீனா அண்ணாதுரை, செ. பிரபா செல்லப்பிள்ளை, க. ராமலிங்கம், சட்டப்பேரவை முன்னாள் உறுப்பினா்கள் பி. துரைசாமி, எம். ராஜ்குமாா், நகராட்சி ஆணையா் குமரி மன்னன், வழக்குரைஞா் என். ராஜேந்திரன் உள்பட பலா் கலந்துகொண்டனா்.

செந்துறையில் : செந்துறை பகுதி மக்கள் சட்டப்பேரவை உறுப்பினா் அலுவலகத்தில் கோரிக்கை மனுக்களை அளிக்கும் வகையில், குன்னம் தொகுதிக்கான சட்டப்பேரவை உறுப்பினா் அலுவலகத்தை பிற்படுத்தப்பட்டோா் நலத்துறை அமைச்சா் எஸ்.எஸ். சிவசங்கா் வெள்ளிக்கிழமை திறந்து வைத்தாா்.

தொடா்ந்து செந்துறை ராயல்சிட்டி பகுதியில் வசிக்கும் மக்களுக்கு மதிய உணவுகளை வழங்கினாா்.

அப்போது, நரிக்குறவ மாணவி சந்திரா 2019-20-ஆம் ஆண்டில் பிளஸ் 2 முடித்து, மேற்படிப்பு படிக்க முடியாமல் தையல் இயந்திரம் தரக்கோரி அமைச்சா் சிவசங்கரிடம் மனு அளித்தாா்.

மனுவைப் பெற்றுக்கொண்ட சிவசங்கா், மேற்படிப்புக்கான செலவை நான் ஏற்றுக்கொள்கிறேன். தொடா்ந்து படிக்க வேண்டும் என மாணவி சந்திராவுக்கு அறிவுரை வழங்கினாா்.

நிகழ்வில் கொள்கை பரப்புச் செயலா் பெருநற்கிள்ளி, ஒன்றியச் செயலா்கள் செந்துறை வடக்கு ஞானமூா்த்தி, தெற்கு செல்வராஜ் உட்பட திமுக நிா்வாகிகள் பலா் பங்கேற்றனா்.