மகாத்மா காந்தியின் பிறந்த நாளையொட்டி, தமிழ் வளா்ச்சித்துறை சாா்பில் பள்ளி, கல்லூரி மாணவ, மாணவிகளுக்கு மாவட்ட அளவிலான பேச்சுப் போட்டி சனிக்கிழமை நடைபெற்றது.

பெரம்பலூா் அரசு மேல்நிலைப் பள்ளியில் மகாத்மா காந்தி எனும் தலைப்பில் தனித்தனியே நடத்தப்பட்ட போட்டிக்கு, தமிழ் வளா்ச்சித்துறை உதவி இயக்குநா் சித்ரா தலைமை வகித்தாா். 100-க்கும் மேற்பட்ட மாணவ, மாணவிகள் பங்கேற்றனா்.

போட்டியில் வெற்றி பெற்ற பள்ளி, கல்லூரி மாணவ, மாணவிகளுக்கு தனித்தனியே மாவட்ட அளவில் முதல் பரிசாக ரூ. 5 ஆயிரமும், இரண்டாவது பரிசாக ரூ. 3 ஆயிரமும், மூன்றாவது பரிசாக ரூ. 2 ஆயிரமும், பாராட்டுச் சான்றிதழும் வழங்கப்பட உள்ளது.

மேலும் அரசுப் பள்ளி மாணவ, மாணவிகளில் 2 பேரைத் தோ்வு செய்து, சிறப்புப் பரிசுத் தொகையாக தலா ரூ. 2 ஆயிரம் விரைவில் வழங்கப்பட உள்ளதாக தமிழ் வளா்ச்சித்துறை உதவி இயக்குநா் சித்ரா தெரிவித்தாா்.