உணவகத்தில் தகராறு: 2 போ் பலத்த காயம்

பெரம்பலூா் அருகே புதன்கிழமை இரவு உணவகத்தில் ஏற்பட்ட தகராறில் கட்டையால் தாக்கியதில், 2 போ் பலத்த காயமடைந்தனா்.

பெரம்பலூா் அருகேயுள்ள எசனை வடக்குத் தெருவைச் சோ்ந்த பெருமாள் மகன் ஜெயச்சந்திரன் (51). இவா், எசனை பேருந்து நிறுத்தம் அருகே உணவகம் வைத்துள்ளாா்.

இந்நிலையில், புதன்கிழமை இரவு எசனை அம்பேத்கா் நகரைச் சோ்ந்த ஜெய்சங்கா் மகன் சிரஞ்சீவி (24), மேலத்தெருவைச் சோ்ந்த செல்லமுத்து மகன் ஜீவா (30) ஆகியோா் மது போதையில் இந்த உணவகத்தில் சாப்பிட்டுக்கொண்டிருந்தனா். அப்போது, அங்கு சாப்பிடச் சென்ற வேப்பந்தட்டை வட்டம், பெரிய வடகரை கிராமத்தைச் சோ்ந்த மாரிமுத்து மகன் ரவிச்சந்திரன் (42), வடக்குமாதவி முருகன் கோயில் தெருவைச் சோ்ந்த திருவேங்கடம் மகன் மணிவாசகம் (23) ஆகியோரிடம், ஜீவாவும், சிரஞ்சீவியும் தகராறில் ஈடுபட்டதாக கூறப்படுகிறது. இதில் ஆத்திரமடைந்த இருவரும் கட்டையால் தாக்கியதில் ரவிச்சந்திரனும், மணிவாசகமும் பலத்த காயமடைந்தனா். தகவலறிந்த பெரம்பலூா் போலீஸாா் நிகழ்விடத்துக்குச் சென்று காயமடைந்தவா்களை மீட்டு மாவட்ட அரசு தலைமை மருத்துவமனைக்கு அனுப்பி வைத்தனா். இதில், தீவிர சிகிச்சைக்காக ரவிச்சந்திரன் திருச்சி அரசு மருத்துவமனையில் அனுமதிக்கப்பட்டுள்ளாா். புகாரின்பேரில் போலீஸாா் வழக்குப் பதிந்து, சிரஞ்சீவி, ஜீவா ஆகியோரை கைது செய்து விசாரிக்கின்றனா்.