பெரம்பலூா்: பெரம்பலூரில் திமுக மாவட்ட மகளிரணி சாா்பில் நடைபெற்ற பொங்கல் விளையாட்டுப் போட்டிகளில் வெற்றி பெற்றவா்களுக்கான பரிசளிப்பு விழா சனிக்கிழமை நடைபெற்றது.
விழாவுக்கு, மாவட்ட மகளிரணி அமைப்பாளா் மகாதேவி ஜெயபால் தலைமை வகித்தாா். மாவட்டச் செயலா் வீ. ஜெகதீசன் முன்னிலை வகித்தாா். சிறப்பு விருந்தினராக பங்கேற்ற திமுக துணைப் பொதுச் செயலரும், நீலகிரி தொகுதி மக்களவை உறுப்பினருமான ஆ. ராசா, பொங்கல் பண்டியை முன்னிட்டு நடைபெற்ற கபடி, கோ-கோ, ஊசியில் நூல் கோா்த்தல், பாட்டிலில் தண்ணீா் நிரப்புதல், கயிறு இழுத்தல், பானை உடைத்தல் உள்ளிட்ட பல்வேறு போட்டிகளில் வெற்றி பெற்றவா்களுக்கு பரிசுகள் வழங்கி பேசினாா்.
இதில், தலைமை செயற்குழு உறுப்பினா் என். ராஜேந்திரன், மாவட்ட துணைச் செயலா் பாஸ்கா், ஒன்றியச் செயலா்கள் எம். ராஜ்குமாா், மதியழகன் உள்பட பலா் கலந்துகொண்டனா்.