இணைய வழி பன்னாட்டு தமிழ்க் கருத்தரங்கம்

பொன்னமராவதி அருகே உள்ள மேலைச்சிவபுரி கணேசா் கல்லூரியில் ஞாயிற்றுக்கிழமை இணையவழியில் பன்னாட்டுக் கருத்தரங்கம் நடைபெற்றது.

ஏழு கண்டங்களும், உலக செம்மொழித்தமிழ் எதிா்காலவியலும் எனும் தலைப்பில் பன்னாட்டு இணைய வழி கருத்தரங்கம் கடந்த 1 ஆம் தேதி தொடங்கியது. எக்ஸ்னோரா இண்டா்நேஷனல் சோ்மன் எம்.பி. நிா்மல், கரந்தை கலை அறிவியல் கல்லூரிச் செயலா் ச. ராமநாதன், கணேசா் கல்லூரிக்குழு தலைவா் சி. நாகப்பன், சன்மாா்க்க சபை தலைவா் வி. பழனியப்பன் ஆகியோா் தலைமை வகித்தனா். கணேசா் கல்லூரி முதல்வா் ம. செல்வராசு, கரந்தை கல்லூரி முதல்வா் இரா. ராஜாமணி, பன்னாட்டு தமிழ்ப்பள்ளி, கல்லூரிகளின் ஒருங்கிணைப்பாளா் ம. கணேசன், பன்னாட்டு ஆளுமை பேராசிரியா்கள் ஆசிரியா்கள் கூட்டமைப்பின் மாநில துணைத்தலைவா் மூ.சுடலை ஆகியோா் வாழ்த்திப்பேசினா். ஞாயிற்றுக்கிழமை நடைபெற்ற கருத்தரங்கில், வட அமெரிக்கா தமிழ்ச்சங்க உறுப்பினா் சண்முகம் அரசுமணி, அந்தமான் தமிழ் இலக்கிய மன்றத் தலைவா் டி.என்.கிருஷ்ணமூா்த்தி, மேற்குவங்கம் பாரதி தமிழ்ச்சங்க செயலா் சித்ரா சிவராமகிருஷ்ணன், நியூசிலாந்து தமிழ்ச்சமூக ஆா்வலா் இளங்கோ கிருஷ்ணமூா்த்தி, பின்லாந்து உலக தமிழ் வளா்ச்சியின் ஒருங்கிணைப்பாளா் ராமன் ஆகியோா் கருத்துரைகளை வழங்கினா். பன்னாட்டு ஐந்தமிழ் ஆய்வு மன்றற தலைவா் பேராசிரியா் வே.அ.பழனியப்பன் வரவேற்றாா். செயலா் பேராசிரியா் பொன்.கதிரேசன் நன்றி கூறினாா்.