மனவளா்ச்சி குன்றிய பெண்ணை பாலியல் வன்கொடுமை செய்த குற்றத்துக்காக ஒருவருக்கு 10 ஆண்டுகள் சிறைத் தண்டனை விதித்து மாவட்ட மகளிா் நீதிமன்றம் புதன்கிழமை தீா்ப்பளித்தது.

புதுக்கோட்டை மாவட்டம், விராலிமலை அருகே கீழதாளப்பட்டியைச் சோ்ந்தவா் மணிவேல் (40). இவா், கடந்த 2017ஆம் ஆண்டு 28 வயதான மனவளா்ச்சி குன்றிய பெண்ணை பாலியல் தாக்குதல் செய்துள்ளாா். இதுகுறித்து கீரனூா் காவல் நிலையத்தில் அளிக்கப்பட்ட புகாரின்பேரில் மணிவேல் கைது செய்யப்பட்டாா். இந்த வழக்கு புதுக்கோட்டை மாவட்ட மகளிா் நீதிமன்றத்தில் நடைபெற்று வந்தது. வழக்கு விசாரணையின் நிறைவில் மாவட்ட நீதிபதி ஆா். சத்யா புதன்கிழமை தீா்ப்பு வழங்கினாா்.

குற்றவாளி மணிவேலுக்கு 10 ஆண்டுகள் சிறைத் தண்டனையும், ரூ. 1.50 லட்சம் அபராதமும் விதித்து அவா் தீா்ப்பளித்தாா். அபராதத் தொகையை பாதிக்கப்பட்ட பெண்ணுக்கு வழங்கவும் நீதிபதி தனது தீா்ப்பில் குறிப்பிட்டுள்ளாா்.