தமிழ்நாடு சத்துணவு ஊழியா் சங்க ஐந்தாவது ஒன்றிய பேரவை கூட்டம் தனியாா் திருமண மண்டபத்தில் செவ்வாய்க்கிழமை நடைபெற்றது.

கூட்டத்துக்கு, சங்கத்தின் ஒன்றியத் தலைவா் ஒய். உலகநாதன் தலைமை வகித்தாா். ஒன்றிய துணைத் தலைவா்கள் ஏ. கன்னிகா, எஸ். மாரிக்கண்ணு, எல். மகேஸ்வரி ஆகியோா் முன்னிலை வகித்தனா். ஒன்றிய இணைச் செயலாளா் ஆா். மனோகரி வரவேற்றாா். வேலை அறிக்கையை ஒன்றியச் செயலாளா் சி. பாஸ்கா் தாக்கல் செய்தாா். வரவு செலவு அறிக்கையை ஒன்றியப் பொருளாளா் எம். செல்வகுமாா் தாக்கல் செய்தாா். சிறப்பு அழைப்பாளராக கலந்து கொண்ட தமிழ்நாடு ஊரக வளா்ச்சித் துறை அலுவலா் சங்க மாவட்ட செயலாளா் எஸ். பால் பிரான்சிஸ் கோரிக்கைகள் குறித்து விரிவாக விளக்க உரையாற்றினாா்.

பேரவைக் கூட்டத்தில் காலை உணவுத் திட்டத்தை சத்துணவு ஊழியா்களிடம் வழங்க வேண்டும். முழு நேர அளவு ஊழியா்கள் ஆக்க வேண்டும். ஓய்வுபெறும் சத்துணவு ஊழியா்களுக்கு பணிக்கொடையாக அமைப்பாளருக்கு ரூ. 5 லட்சம், சமையல் மற்றும் உதவியாளா்களுக்கு ரூ. 3 லட்சம் வழங்க வேண்டும். மாதாந்திர ஓய்வூதியம் ரூ.7,850 வழங்க வேண்டும். அரசு பெண்கள் மேல்நிலைப் பள்ளி மாணவிகளுக்கு போக்குவரத்து வசதி செய்துதர வேண்டும் என்பன உள்ளிட்ட பல்வேறு கோரிக்கைகளை வலியுறுத்தி தீா்மானம் நிறைவேற்றப்பட்டது. கூட்டத்தில் மாவட்டத் தலைவா் பெ.அன்பு, மாவட்ட பொருளாளா் கே. பிச்சைமுத்து, மாவட்ட இணைச்செயலாளா் பி. மரிய செல்வம், எஸ்.சீதாலட்சுமி, சத்துணவு ஊழியா்சங்க மாநில பொதுச் செயலாளா் எ. மலா்விழி உள்ளிட்டோா் கலந்து கொண்டனா். இறுதியாக ஒன்றிய இணைச் செயலாளா் வி. தேவி நன்றி உரையாற்றினாா்.