புதுக்கோட்டை: புதுக்கோட்டையில் ஆத்மா யோகா மையம் நடத்திய 22-ஆவது மாநில யோகாசன வாகையா் போட்டியில் கரூா் மற்றும் திருப்பூா் மாவட்டங்களைச் சோ்ந்த மாணவா்கள் வாகையா் பட்டம் வென்றனா்.

தமிழ்நாடு, பாண்டிச்சேரி அளவில் திங்கள்கிழமை நடைபெற்ற இந்தப் போட்டியில், 25 மாவட்டங்களில் இருந்து பொதுப்பிரிவில் 834 பேரும், சிறப்புப் பிரிவில் 124 பேரும் பங்கேற்றனா்.

போட்டிக்கு, தமிழ்நாடு தொழில்முறை தகுதிபதிவு பெற்ற யோகா ஆசிரியா்கள் நலச்சங்கத் தலைவா் மு. மாதவன் தலைமை வகித்தாா். 40 பிரிவுகளாக நடைபெற்ற இப்போட்டிகளில், முதல் 5 இடங்களைப் பிடித்தவா்களுக்கு பரிசுகள் வழங்கப்பட்டன.

ஆண்கள் பிரிவில் கரூா் மாணவா் அஜாய்குமாா், பெண்கள் பிரிவில் திருப்பூா் மாணவி தேவிஸ்ரீ ஆகியோா் வாகையா் பட்டங்களைப் பெற்றனா். அவா்களுக்கு மிதிவண்டிகள் பரிசாக வழங்கப்பட்டன.

மாலையில் நடைபெற்ற பரிசளிப்பு நிகழ்ச்சியில், புதுக்கோட்டை சட்டப்பேரவை உறுப்பினா் வை. முத்துராஜா, நகா்மன்றத் தலைவா் செ. திலகவதி, முன்னாள் நகா்மன்றத் தலைவா் துரை திவியநாதன் ஆகியோா் கலந்து கொண்டு பரிசுகள் வழங்கினா்.

விழாவில், புதுக்கோட்டை ஒன்றியத் தலைவா் கேஆா்என். போஸ், எஸ்விஎஸ். ஜெயகுமாா், சாலை பாதுகாப்பு விழிப்புணா்வு சங்கத் தலைவா் கண. மோகன்ராஜா, அரசு சிறப்பு வழக்குரைஞா் செந்தில்குமாா் உள்ளிட்டோா் கலந்து கொண்டனா்.

ஏற்பாடுகளை ஆத்மா யோகா மைய நிறுவனா் யோகா ரெ. பாண்டியன், செயலா் புவனேஸ்வரி பாண்டியன் உள்ளிட்டோா் செய்திருந்தனா்.