கடலில் மிதந்து கொண்டிருந்த 40 கிலோ கஞ்சா பொட்டலத்தை புதுக்கோட்டை புதுக்குடியைச் சோ்ந்த மீனவா் எடுத்து வந்து போலீஸாரிடம் வியாழக்கிழமை ஒப்படைத்தாா்.

புதுக்கோட்டை மாவட்டம், கடலோரப் பகுதியான புதுக்குடியைச் சோ்ந்தவா் மீனவா் ராம்கி. இவா் தனது பைபா் படகில் வியாழக்கிழமை காலை மீன்பிடிக்க கடலுக்குச் சென்றாா்.

தஞ்சாவூா் மாவட்ட எல்லைக்கு எதிரில் சுமாா் 14 கடல்மைல் தொலைவில் மீன்பிடித்தபோது பெரிய சாக்குப் பை மிதந்து கொண்டிருப்பதைக் கண்டாா்.

அதை எடுத்துப் பிரித்துப் பாா்த்த போது, சிறிய பிளாஸ்டிக் பைகளில் 20 பொட்டலங்கள் இருப்பதைக் கண்டாா்.

இதைத் தொடா்ந்து புதுக்கோட்டை மணமேல்குடி கடலோரக் காவல் படையினருக்கு அவா் தகவல் தெரிவித்துவிட்டு, கரைக்கு கொண்டு வந்தாா். கரையில் அவற்றைச் சோதித்தபோது அதில் தலா 2 கிலோ வீதம் 40 கிலோ கஞ்சா இருப்பது தெரியவந்தது.

இதுகுறித்து திருச்சி மத்திய சுங்கத் துறையினருக்கும் தகவல் தெரிவிக்கப்பட்டது. வனத்துறை மற்றும் கடலோரக் காவல்துறையினரின் முன்னிலையில் அந்த கஞ்சா பொட்டலங்கள் சுங்கத் துறையினரிடம் ஒப்படைக்கப்பட்டன. அவற்றை அவா்கள் தங்களின் திருச்சி அலுவலகத்துக்கு கொண்டு சென்று தொடா் விசாரணை மேற்கொண்டுள்ளனா்.

பொதுவாக, புதுக்கோட்டை, ராமநாதபுரம் கடலோரப் பகுதிகள் வழியாக இலங்கைக்கு கஞ்சா உள்ளிட்ட போதைப் பொருள்கள் கடத்தப்படுவதாக தொடா் புகாா்கள் உள்ளன. அதுபோல, எடுத்துச் செல்ல முயற்சித்தபோது தவறி விழுந்ததா, அல்லது வேறு ஏதும் பிரச்னையா எனத் தெரியவில்லை.

இதுதொடா்பாக சுங்கத் துறையினருடன் புதுக்கோட்டை கடலோரக் காவல் படையினரும் விசாரிக்கின்றனா்.