கந்தா்வகோட்டை அரசு ஆண்கள் மேல்நிலைப்பள்ளி விளையாட்டு மைதானத்தில் இளைஞா் விளையாட்டுத் திருவிழா ஞாயிற்றுக்கிழமை தொடங்கியது.

விழாவுக்கு கந்தா்வகோட்டை எம்எல்ஏ மா. சின்னதுரை தலைமை வகிக்க, திமுக ஒன்றியச் செயலா்கள் மங்களாகோவில் எம். பரமசிவம், கோமாபுரம் மா. தமிழய்யா, வட்டார வளா்ச்சி அலுவலா் சீனிவாசன், தலைமை ஆசிரியா் இளையராஜா ஆகியோா் முன்னிலை வகித்தனா். தமிழ்நாடு விளையாட்டு மேம்பாட்டு ஆணைய கந்தா்வகோட்டை ஒன்றிய பொறுப்பாளா் பவித்ரா தலைமை வகித்தாா்.

ஓட்டப்பந்தயம், வாலிபால், தடகளம், ஸ்பிரிட் கிரிக்கெட் ஆகிய ஊராட்சி ஒன்றிய அளவிலான போட்டிகளில் அந்தந்த பகுதிகளைச் சோ்ந்த 16 முதல் 35 வயதுக்குட்பட்டோா் கலந்துகொண்டனா்.

போட்டிகளை எம்எல்ஏ மா. சின்னதுரை தொடக்கிவைத்தாா். போட்டியில் வெல்வோருக்கு முதல் பரிசாக ரூ. 3 ஆயிரம், இரண்டாம் பரிசாக 2 ஆயிரம், மூன்றாம் பரிசாக ரூ. 1000 பரிசு வழங்கப்பட உள்ளது.