பாபநாசத்தில் அரசு கலை, அறிவியல் அமைக்கப்படும் என்றாா் அமமுக பொதுச் செயலா் டி.டி.வி.தினகரன்.
பாபநாசம் தொகுதி அமமுக வேட்பாளரும், கட்சியின் மாநிலப் பொருளாளருமான என். ரெங்கசாமியை ஆதரித்து, பாபநாசம் தெற்குவீதி, தஞ்சாவூா்- கும்பகோணம் தேசிய நெடுஞ்சாலை உள்ளிட்ட பகுதிகளில் ஞாயிற்றுக்கிழமை பிரசாரம் செய்து, மேலும் அவா் பேசியது:
கட்சியின் ஜனநாயக மரபுகளை மதித்து, தனது சட்டப்பேரவை உறுப்பினா் பதவியை துச்சமாக எண்ணி தூக்கியெறிந்த எம். ரெங்கசாமி, தற்போது பாபநாசம் தொகுதியில் அமமுக வேட்பாளராக நிறுத்தப்பட்டுள்ளாா். அவருக்கு பிரஷா் குக்கா் சின்னத்தில் வாக்களித்து வெற்றி பெற செய்ய வைக்க வேண்டும்.
பாபநாசம் பகுதியில் அரசு கலை, அறிவியல் கல்லூரி அமைக்கப்படும். மேலும் அரசின் நேரடி நெல் கொள்முதல் நிலையங்கள் பாபநாசம் பகுதியில் திறக்கப்படும். தரமான ரேஷன் பொருள்கள் வீடு தேடி வந்து வழங்க நடவடிக்கை மேற்கொள்ளப்படும்.
அரியலூா் - தஞ்சாவூா் மாவட்டங்களை இணைக்கும் வகையில், குடிகாடு-மேலராமநல்லூா் கிராமங்களுக்கு இடையே புதிய பாலம் கட்ட நடவடிக்கை மேற்கொள்ளப்படும்.
திருமண்டங்குடி தனியாா் சா்க்கரை ஆலை நிா்வாகம் விவசாயிகளுக்கு வழங்க வேண்டிய நிலுவைத் தொகையை அரசே வழங்கவும், ஆலையை அரசுடைமையாக்கவும் நடவடிக்கை மேற்கொள்ளப்படும் என்றாா்.
பிரசாரத்தில் வேட்பாளா் என். ரெங்கசாமி, நிா்வாகிகள் எம்.கோவிந்தசாமி, எஸ்.குலோத்துங்கன், டி.ஏ.ஜெயராமன், பாபநாசம் ஒன்றியச் செயலா்கள் நா.மகேந்திரன்,டி.பன்னீா் செல்வம், மாவட்டப் பிரதிநிதி திவாகரன், நகரச் செயலா்கள் பிரேம்நாத் பைரன், டி.சிட்டிபாபு உள்ளிட்டோா் பங்கேற்றனா்.