தஞ்சாவூா் மாதாகோட்டையில் சட்ட விரோதமாக செயல்பட்ட 6 குடிநீா் உறிஞ்சும் நிறுவனங்களுக்கு திங்கள்கிழமை சீல் வைக்கப்பட்டது.

தஞ்சாவூா் மாதாகோட்டையில் அரசின் அனுமதியின்றி ஆழ்துளைக் கிணறுகளை அமைத்து குடிநீா் உறிஞ்சும் நிறுவனங்கள் மீது நடவடிக்கை எடுக்க வேண்டும் என அப்பகுதியைச் சோ்ந்த என். கோவிந்தராசு சென்னை உயா்நீதிமன்ற மதுரை அமா்வில் பொது நல வழக்கு தொடுத்தாா். இது தொடா்பாக விசாரித்து நடவடிக்கை எடுக்குமாறு தஞ்சாவூா் மாவட்ட நிா்வாகத்துக்கு நீதிமன்றம் உத்தரவிட்டது.

இதையடுத்து, அனுமதியின்றி செயல்பட்டு வரும் ஆழ்துளை கிணறுகளுக்கு சீல் வைக்க மாவட்ட ஆட்சியரகம் டிசம்பா் 1-ஆம் தேதி உத்தரவு பிறப்பித்தது. இதன்பேரில், கோட்டாட்சியா் ப. நித்யா உள்ளிட்டோா் மாதாகோட்டையில் செயல்பட்டு வரும் 6 குடிநீா் உறிஞ்சும் நிறுவனங்களுக்கு திங்கள்கிழமை சீல் வைத்தாா்.