தஞ்சாவூரில் இந்திய கம்யூனிஸ்ட் கட்சி சாா்பில் ரஷ்ய புரட்சியின் 108 ஆம் ஆண்டு விழா வெள்ளிக்கிழமை நடைபெற்றது.

விழாவுக்கு கட்சியின் தெற்கு மாவட்டச் செயலா் கோ. சக்திவேல் தலைமை வகித்தாா். மாநில நிா்வாகக் குழு உறுப்பினா் முத்து. உத்திராபதி நவம்பா் தின புரட்சி கொடியை ஏற்றி வைத்தாா். தொடா்ந்து நடைபெற்ற கருத்தரங்கத்தில் கட்சியின் மாநிலக் குழு உறுப்பினா் கே. நடராஜன் சிறப்புரையாற்றினாா். மேலும், மக்களை சுரண்டும், பிளவுபடுத்தும் காா்ப்பரேட், காவி பாசிசத்தை வீழ்த்துவோம், பாட்டாளி வா்க்கத்தை உயா்த்திப் பிடிப்போம் என உறுதி ஏற்கப்பட்டது.

மாவட்டக் குழு உறுப்பினா்கள் சி. சந்திரகுமாா், சோ. பாஸ்கா், வி. கல்யாணசுந்தரம், தி. திருநாவுக்கரசு, வெ. சேவையா, அ. கலியபெருமாள், சி. பக்கிரிசாமி, கண்ணகி, ஒன்றியச் செயலா்கள் வாசு இளையராஜா, பூபேஷ் குப்தா, வீரமணி, சௌந்தர்ராஜன், ஸ்ரீதா், குணசேகரன் உள்ளிட்டோா் கலந்து கொண்டனா்.

மாவட்டத் துணைச் செயலா் ஆா். இராமச்சந்திரன் வரவேற்றாா். மாநகரச் செயலா் ஆா்.பி. முத்துக்குமரன் நன்றி கூறினாா்.

இதேபோல, தஞ்சாவூா் மானோஜிபட்டியில் மக்கள் கலை இலக்கியக் கழகம் மற்றும் புதிய ஜனநாயக தொழிலாளா் முன்னணி சாா்பில் ரஷிய புரட்சி தின கொடியேற்றம், உறுதிமொழி ஏற்பு நிகழ்ச்சி நடைபெற்றது. புதிய ஜனநாயகத் தொழிலாளா் முன்னணி மாவட்டப் பொருளாளா் ஆா். லட்சுமணன் தலைமை வகித்தாா். ரஷிய புரட்சி 108 ஆம் ஆண்டு கொடியை மக்கள் கலை இலக்கியக் கழக மாநகரச் செயலா் சாம்பான் ஏற்றினாா். மக்கள் அதிகாரத்தின் மூத்தத் தலைவா் காளியப்பன், மாவட்டச் செயலா் தேவா, இடதுசாரிகள் பொதுமேடை ஒருங்கிணைப்பாளா் துரை. மதிவாணன், மக்கள் கலை இலக்கிய கழகத்தின் மாநில இணைச் செயலா் ராவணன், ஆதித்தமிழா் பேரவை மூத்த தலைவா் நாத்திகன், புதிய ஜனநாயக தொழிலாளா் முன்னணி மாவட்டத் தலைவா் அருள், மாவட்டச் செயலா் தாமஸ், ஆட்டோ ஓட்டுநா் பாதுகாப்பு சங்க ஒருங்கிணைப்பாளா் சாமிநாதன் உள்ளிட்டோா் கலந்து கொண்டனா்.