ரேஷன் கடைகளில் தேங்காய் எண்ணெய் விற்க அரசுக்கு தென்னை விவசாயிகள் கோரிக்கை விடுத்துள்ளனா்.

பேராவூரணியில் கிழக்கு கடற்கரை தென்னை விவசாயிகள் சங்க பொதுக் குழுக் கூட்டம், சங்கத்தின் தலைவா் இ.வி. காந்தி தலைமையில் செவ்வாய்க்கிழமை நடைபெற்றது.

ஓய்வு பெற்ற ஆட்சியா் வெ. அன்புச்செல்வன்,  தமிழ்நாடு வேளாண் சந்தைப்படுத்துதல் துறை இணை இயக்குநா்  ஆா். சுதா, கரூா் நாச்சலூா் உழவா் உற்பத்தியாளா்  நிறுவன மேலாண்மை இயக்குநா் ஜி. கரிகாலன் ஆகியோா் முன்னிலை வகித்தனா். 

கூட்டத்தில் ரேஷன் கடைகளில் மானிய விலையில் தேங்காய் எண்ணெய் விற்க அரசு நடவடிக்கை எடுக்க வேண்டும். உரித்த  தேங்காயை  வேளாண்மை விற்பனை மற்றும் வேளாண் வணிக மையம் மூலமாக அரசு கொள்முதல் செய்ய வேண்டும்.  தென்னையில்  மதிப்புக் கூட்டிய பொருள்கள் தயாரிப்பதற்கான சிறுதொழில் பயிற்சிக் கூடத்தை பேராவூரணியில் அமைக்க வேண்டும்.

பேராவூரணி தேங்காய்க்கு புவிசாா் குறியீடு பெறும் முயற்சியை மாநில அரசு  விரைவுபடுத்த வேண்டும். பேராவூரணியில் தென்னை வளா்ச்சி வாரியத்தின் கிளை அலுவலகத்தை மத்திய அரசு அமைக்க வேண்டும். வெளிநாடுகளில் இருந்து இறக்குமதி செய்யப்படும் ஒயிட் ஆயில் எனப்படுகின்ற பெட்ரோலியம் ஆயில் மற்றும் பாமாயில் ஆகியவற்றிற்கு இறக்குமதி வரியை உயா்த்தி, உள்நாட்டு விவசாயிகளைக் காப்பாற்ற வேண்டும்.

மத்திய அரசால் நிா்ணயிக்கப்படும் தேங்காய் கொப்பரைக்கான  குறைந்தபட்ச ஆதார விலை வெளிமாா்க்கெட் விலையை விட மிகக் குறைவாக உள்ளதால்  கணிசமாக அதை உயா்த்த வேண்டும். தொழில் வளா்ச்சியில்  மிகவும் பின்தங்கியுள்ள பேராவூரணியில் தென்னையின் மதிப்புக் கூட்டப்பட்ட பொருள்களைத் தயாரிக்கும் வகையில்  தொழிற்பேட்டை அமைக்க வேண்டும். அரசுப் பள்ளிகளில் வழங்கப்படும் காலை, மதிய உணவுகளில்  தேங்காய் எண்ணெய் மற்றும் தேங்காய்  பயன்படுத்த வேண்டும்.

தென்னை விவசாயிகளின் வாழ்வாதாரத்தைக் காக்கவும் , தேங்காய் விலை வீச்சியைத் தடுக்கும் விதமாகவும் கள் இறக்குவதற்கான தடையை நீக்க வேண்டும். தென்னை விவசாயத்தை ஊக்குவிக்கவும், அரசு மானியங்கள் விவசாயிகளுக்கு நேரடியாக கிடைக்கும் விதமாகவும் தேங்காய் உற்பத்தியுடன் இணைந்த ஊக்கத்தொகை வழங்க  வேண்டும். பேராவூரணி பகுதியில் தண்ணீா்  மற்றும் மண்ணின் உப்பு  அளவு  அதிகமாக உள்ளதால் இப்பகுதியில் பிராதன பயிா்களுக்கான கடலோர உழவா் ஆராய்ச்சி நிலையம் அமைக்க வேண்டும் என்பன உள்ளிட்ட தீா்மானங்கள்  நிறைவேற்றப்பட்டன.

கூட்டத்தில் பேராவூரணி சுற்று வட்டார திரளான தென்னை விவசாயிகள்  கலந்து கொண்டனா். ஏற்பாடுகளை சங்க நிா்வாகிகள் எஸ். நாகராஜன், எம். கோபிநாத், சி. தீபன்சக்கரவா்த்தி ஆகியோா் செய்தனா். சங்கத்தின் கௌரவத் தலைவரும், ஓய்வு பெற்ற வேளாண் துறை இணை இயக்குநருமான யு. வேலுச்சாமி வரவேற்றாா். இணைச் செயலா் ஏ. முகமதுசமீா் நன்றி கூறினாா்.