பணம் இரட்டிப்பு மோசடி செய்ததாக ஐந்து பேரை திருச்சி மாநகரக் குற்றப்பிரிவு போலீஸாா் புதன்கிழமை கைது செய்தனா்.

புதுக்கோட்டை மாவட்டம், பொன்னமராவதி அருகே உள்ள சங்கம்பட்டியைச் சோ்ந்தவா் முருகேசன்(30). இவரிடம் ‘ராஜதுரை- ஸ்வேதா’ குரூப்பைச் சோ்ந்தவரும், பொன்னமராவதி அருகேயுள்ள புலவனாா்குடியைச் சோ்ந்த காா்த்திக் (38) என்பவா் முருகேசனை அணுகி முதலீடு செய்யும் பணத்திற்கு இரட்டிப்பு பணம் தருவதாகக் கூறி பல்வேறு தவணைகளில் ரூ.36.40 லட்சம் முதலீடு பெற்றாா். கமிஷன் தொகையாக ரூ. ரூ.5.25 லட்சம் தந்த பிறகு பணம் எதுவும் தரவில்லை. இதைத் தொடா்ந்து, முருகேசன் திருச்சி மாநகர குற்றப்பிரிவு காவல்நிலையத்தில் அளித்த புகாரின்பேரில் ஆய்வாளா் ஞானசேகரன் வழக்கு பதிந்து விசாரணை நடத்தினா். இதில், நாமக்கல் மாவட்டம் என். கொசவம்பட்டியைச் சோ்ந்த ரமேஷ்(43)மண்ணச்சநல்லூா் வால்மாள்பாளையத்தைச் சோ்ந்த குட்டிமணி(31), கணேசன்(47), தங்கராஜ்(36) ஆகியோருக்கும் தொடா்பு இருந்ததும், அவா்கள் தலைமறைவாகியிருப்பதும் தெரியவந்தது. இந்நிலையில், புதன்கிழமை அவா்கள் இருக்கும் இடம் அறிந்து அங்கு சென்ற தனிப்படை போலீஸாா் காா்த்திக், ரமேஷ், குட்டிமணி, கணேசன், தங்கராஜ் ஆகிய 5 பேரையும் கைது செய்தனா். மேலும் மரியசெல்வம், சிம்ரன், கபூா், மனதிப்கபூா் ஆகியோரைத் தேடி வருகின்றனா்.