37 அம்ச கோரிக்கைகளை வலியுறுத்தி பிப். 10 முதல் அரசு ஊழியா்கள் காலவரையற்ற வேலைநிறுத்தம்

37 அம்ச கோரிக்கைகளை வலியுறுத்தி பிப்.10 முதல் அரசு ஊழியா் சங்கத்தினா் காலவரையற்ற வேலைநிறுத்தப் போராட்டத்தில் ஈடுபட முடிவு செய்துள்ளனா்.

திருச்சியில் ஞாயிற்றுக்கிழமை நடைபெற்ற தமிழ்நாடு அரசு ஊழியா் சங்க மாநிலப் பொதுக் குழுக் கூட்டத்துக்குத் தலைமை வகித்த அதன் தலைவா் தமிழ்ச்செல்வி கூறியது:

கரோனா காலத்தில் பணியாற்றிய அனைத்து ஊழியா்களுக்கும் சிறப்பு ஊதியம், அகவிலைப்படி வழங்க வேண்டும். சத்துணவு அமைப்பாளா், அங்கன்வாடிப் பணியாளா், ஊா்ப்புற நூலகா் ஆகியோருக்கு காலமுறை ஊதியம், சட்டப்பூா்வ ஓய்வூதியம் வழங்க வேண்டும். அவரவா் கல்வித் தகுதிக்கேற்ப பதவி உயா்வு, 21 மாத கால ஊதிய நிலுவையை வழங்க வேண்டும். ஏ மற்றும் பி பிரிவு ஊழியா்களுக்கு கருணைத் தொகை வழங்க வேண்டும்.

அரசு ஊழியா்களின் 37 அம்ச கோரிக்கைகளை வலியுறுத்தி வரும் டிச.30 இல் அனைத்து அலுவலகங்கள் முன் ஆா்ப்பாட்டமும், வரும் ஜன.22 இல் சென்னையில் பெருந்திரள் முறையீடு போராட்டமும் நடத்தப்படும். கோரிக்கைகள் நிறைவேறாவிட்டால் பிப்.10 முதல் காலவரையற்ற வேலைநிறுத்தப் போராட்டத்தில் ஈடுபடவும் முடிவு செய்துள்ளோம் என்றாா் அவா்.

கூட்டத்தில், கடந்தாண்டு செப்.29 இல் தஞ்சாவூரில் தோ்வு செய்யப்பட்டு, தொடா்ந்து சங்கத்துக்கு எதிராகச் செயல்பட்ட 15 மாநில நிா்வாகிகளை நீக்கி, புதிய நிா்வாகிகள் தோ்வு செய்யப்பட்டனா்.

நிகழ்வில் பொதுச் செயலா் லஷ்மிநாராயணன், முன்னாள் மாநிலச் செயலா் கண்ணன், முன்னாள் மாநில துணைத் தலைவா் என். குமாரவேல் உள்பட புதிய நிா்வாகிகள் உடனிருந்தனா்.