வாக்கு எண்ணும் மையத்தில் வேட்பாளா் ஆய்வு

மண்ணச்சநல்லூா் தொகுதி வாக்கு எண்ணும் மையத்தில் திமுக வேட்பாளா் எஸ். கதிரவன் வெள்ளிக்கிழமை ஆய்வு செய்தாா்.

மண்ணச்சநல்லூா், லால்குடிதொகுதிகளில் பதிவான வாக்கு இயந்திரங்கள் சமயபுரம் கே. ராமகிருஷ்ணன் பொறியியல் கல்லூரியில் பாதுகாப்பாக வைக்கப்பட்டு, 3 அடுக்கு பாதுகாப்பு போடப்பட்டுள்ளது. மேலும், வேட்பாளா்களின் பூத் முகவா்களும் கண்காணிப்புப் பணியில் உள்ளனா்.

இந்நிலையில் மண்ணச்சநல்லூா் தொகுதி திமுக வேட்பாளா் எஸ். கதிரவன் தனது தொகுதிக்குட்பட்ட வாக்கு இயந்திரங்கள் உள்ள அறையின் கண்காணிப்பு கேமரா பதிவுகளை ஆய்வு செய்தாா். மேலும் அங்கிருந்த அதிகாரிகளிடம் அளிக்கப்படும் பாதுகாப்பு குறித்தும் கேட்டறிந்தாா்.