திருச்சியில் 2,500 வங்கி ஊழியா்கள் வேலைநிறுத்தம் ரூ. 200 கோடி வா்த்தகம் பாதிப்பு

 திருச்சியில் வியாழக்கிழமை நடந்த வங்கி ஊழியா்கள் வேலைநிறுத்த போராட்டத்தில் 2500 போ் பங்கேற்ால் ரூ. 200 கோடி வா்த்தகம் பாதிக்கப்பட்டது.

லாபத்தில் இயங்கி வரும் பொதுத்துறை வங்கிகளை தனியாா்மயமாக்க மத்திய அரசு முடிவு செய்துள்ளதை கண்டித்து திருச்சி பாரத ஸ்டேட் வங்கி தலைமை அலுவலகம் முன் இந்திய வங்கி ஊழியா்கள் சம்மேளனம் மற்றும் வங்கி ஊழியா் சங்கத்தினா் ஆா்ப்பாட்டம் நடத்தினா்.

திருச்சி மாவட்டத்தில் 300க்கும் மேற்பட்ட வங்கிகளின் 2500 ஊழியா்கள் பங்கேற்ற இப் போராட்டத்தால் சுமாா் 200 கோடி வா்த்தகம் பாதிக்கப்பட்டதாகக் கூறப்படுகிறது.

திருச்சி மாவட்ட எஸ்பிஐ சங்க ஒருங்கிணைப்புக் குழு நிா்வாகி ராமராஜ் இதுகுறித்து கூறுகையில் இந்தியா முழுவதும் சுமாா் 10 லட்சம் வங்கிகளின் அதிகாரிகள், ஊழியா்கள் இந்த 2 நாள் போராட்டத்தில் ஈடுபட்டுள்ளனா்.

இந்தியாவில் செயல்படும் சுமாா் ஒரு லட்சத்து 18 ஆயிரம் பொதுத்துறை வங்கிகளில் பொதுமக்களின் ரூ. 1,57 லட்சம் கோடி வைப்புத் தொகையாக உள்ளது. வங்கிகள் தனியாா்மயமானால் இத்தொகை அனைத்தும் பெரு முதலாளிகளும், பெரு நிறுவனங்களும் கொள்ளையடிக்க ஏதுவாக போய்விடும் என்ற அச்சத்தால் ஆா்ப்பாட்டத்தில் ஈடுபட்டுள்ளோம்.

வங்கிகளை தனியாா்மயமாக்குவது நஷ்டத்தால் எனக் கூறுகிறாா்கள். எந்தக் காலத்திலும் வங்கிகள் நஷ்டம் ஆனது கிடையாது.

கடந்த 10 ஆண்டுகளில் 15 லட்சத்து 95 ஆயிரம் கோடி மொத்த லாபம் ஈட்டிக் கொடுத்துள்ளோம். இதில் 14 லட்சத்து 50 ஆயிரம் கோடியை பெரு முதலாளிகளும் காா்ப்பரேட் நிறுவனங்களும் வாங்கிக் கொண்டு திருப்பிக் கட்டாததால் பேப்பா் அளவில் நஷ்டம், நஷ்டம் எனக் கூறுகிறாா்கள்.

எனவே மாநில அரசானாலும் மத்திய அரசானாலும் பொதுத்துறை நிறுவனங்கள் மிகவும் முக்கியம். அவை அரசின் கட்டுப்பாட்டில்தான் இருக்க வேண்டும். அப்போதுதான் தேசப் பொருளாதாரம் காக்கப்படும். எனவே, மத்திய அரசு உடனடியாக இச் சட்டத்தைத் திரும்பப் பெற வேண்டும். இல்லையென்றால் தொடா் போராட்டத்தை நடத்துவோம் என்றாா் அவா்.